汴京茶寮 (雲咸街)

Open Now

Now Closed

好少上黎雲咸街，做完嘢見到呢度幾靚，有啲日式晚餐定食，所以就入嚟坐低試吓。一入到黎見到個甜品櫃，甜品都幾精緻。食物選擇以輕食為主，相信係因為呢度主要係飲茶。我哋叫咗一個受喜燒黃牛飯定食，價錢一啲都唔貴，所以好期待。可惜一上到台，賣相都幾唔討好，見到啲牛肉都幾乾，塞方埋入口，係淡而無味，唔知佢用乜嘢壽喜燒汁。想加番啲七味粉令佢好食啲，點知原來呢度七味粉都冇，最終佢另外比多左一啲壽喜燒汁我哋，咁樣就好少少。至於我叫嘅冷抹茶蕎麥麵套餐，簡直係伏到一個點。個餐係有蕎麥麵+一舊厚燒玉子，個蕎麥麵汁係完全冇味，我好似淨係食緊一個烚熟咗嘅麵🤦🏻‍♂️救命我見有咁多好評，可能因為佢啲茶真係好得，但係食物真係唔係佢哋強項。