招點薈 (Closed)

好耐冇行過街街，點都要出去行吓唞吓氣，都行咗兩個鐘，肚餓係時候搵嘢食。咦，「check point」好似幾得意喎，試吓先。好，坐低睇吓有咩好食先。室內放滿靚酒。自家製凱撒沙律，新鮮嘅沙律菜配上酸微微嘅汁，仲有有益嘅藜麥。意式香草蕃茄蓉意大利麵，蕃茄蓉掛上意大利麵，仲有翠玉瓜洋蔥切粒，上面配有青綠色小茄子，唔錯。意式香草汁煎新鮮三文魚，三文魚煎得唔錯，切落唔容易散，魚皮煎得好香脆，點埋忌廉醬汁，食落都幾夾。