Video
Read full review
2013-07-17
399 views
工作關係要入長洲工作已有一段時間，長洲睇落好似有好多野食選擇，實質放得入口嘅食店都唔係有好多間，今次lunch 長洲D同事推介火車頭，佢哋話呢間食店係新開，口碑唔錯，所以決定一試！ 火車頭有四個湯底選擇，清湯/酸辣/麻辣/蕃茄湯，嗰到推介酸辣湯，冇理由唔試 XD＄32 可以選擇兩個餸同送杯豆漿，豆漿加大加＄2（我加左大），抵食！我叫左豬軟骨同鴨胸，酸辣米線，湯底酸辣味道配合得幾好，又唔太酸又唔太辣，好開胃，味道中上。豬軟骨係今餐既一個亮點！ 味道好清鮮，好香，口感鬆軟，完全不像平時食拉麵時所食既豬軟骨！強烈建議店主在餐牌上推介豬軟骨，否則要好彩噤岩叫中先食到 XD另外叫左碟蝦仔雞翼（＄18)，好有趣既配搭，蝦乾配雞 XD，蝦乾香脆，雞翼非常多汁同好滑，味道有85分！好味！店主真有心思，天花竟然掛住一架會郁既火車，果然係火車頭！不過店主要注意下架火車唔多起眼，我都係唔小心噤岩留意到 XD結論同事冇點我，食物同環境都幾好 ＝]
火車頭有四個湯底選擇，清湯/酸辣/麻辣/蕃茄湯，嗰到推介酸辣湯，冇理由唔試 XD
＄32 可以選擇兩個餸同送杯豆漿，豆漿加大加＄2（我加左大），抵食！
我叫左豬軟骨同鴨胸，酸辣米線，湯底酸辣味道配合得幾好，又唔太酸又唔太辣，好開胃，味道中上。
豬軟骨係今餐既一個亮點！ 味道好清鮮，好香，口感鬆軟，完全不像平時食拉麵時所食既豬軟骨！
強烈建議店主在餐牌上推介豬軟骨，否則要好彩噤岩叫中先食到 XD
另外叫左碟蝦仔雞翼（＄18)，好有趣既配搭，蝦乾配雞 XD，蝦乾香脆，雞翼非常多汁同好滑，味道有85分！好味！
店主真有心思，天花竟然掛住一架會郁既火車，果然係火車頭！不過店主要注意下架火車唔多起眼，我都係唔小心噤岩留意到 XD
結論同事冇點我，食物同環境都幾好 ＝]
Post
