Ricco (Closed)

大大份嘅滋味下午茶餐😋時間又到3點3，閒日放假就係去邊都冇咩人，可以好好享受下午茶。呢間新開餐廳，門面有display都幾靚仔，咁就試一試 🙌🏻吉列魚柳他他汁牛角包配炸薯條 $42魚柳bell chan係我平日嘅最愛。呢個包餐就用上牛角包。酥脆牛角包充滿牛油香味，入口鬆化，再配埋熱辣辣脆卜卜魚柳，非常開胃。而炸薯條食落好脆，薯仔味好出，外酥內嫩，我食完一半放低咗玩陣電話，凍咗都唔會難食，下次拎返屋企食都得😁椒鹽花枝丸 $24椒鹽味唔會太重，咸香嘅花枝太脆卜卜，好彈牙。今日食左好多炸嘢好滿足，希望唔好生飛滋🤣