Video
Read full review
2021-11-03
996 views
好耐無食過韓國菜啦，今日中午心思思想食，咁啱同事搵到一間喺QRE Plaza(合和中心對面)嘅韓國餐廳，於是就試下walk in ~QRE Plaza係一座商業大廈，佢樓上有勁多唔同種類嘅餐廳，大多數都係中高價餐館嚟嘅，如果中午想食過商務午餐or見客食飯，咁相信呢類餐廳會係你嘅不二之選。其中我今日試呢間韓嘉嵐韓國料理就係其中之一！先講環境，餐廳位於大廈嘅27樓，一出lift就係門口，門面比較狹窄細小，同時間最多只可以容納到約4-5個人企喺度等位(始終商業大廈格局，大部份都係咁)。侍應係一位韓國婦人，佢用唔咸唔淡嘅廣東話嚟同我地講等一陣、好快有位咁，態度非常有禮誠懇，但係筆者覺得佢太過心急，而且同入面嘅侍應溝通不足，佢連續叫左幾次我地入去坐，但裡面嘅侍應根本未執好張枱，搞到我地幾個入又唔係，唔入又唔係，成件事有啲尷尬。之後佢安排我地入房坐，房入面有大玻璃窗，可以望到合和中心同後面嘅熱門行山徑：寶雲道，感覺真係幾Chill架！咁啱我地坐近窗邊，日光順住玻璃窗照射入嚟，霎時間覺得自己遠離繁嚚，唔再係生活逼人嘅上班族，只係一個喺山間庭院歎緊下午茶嘅優閒一族。食物方面，未上主菜之前，已經上左每人
QRE Plaza係一座商業大廈，佢樓上有勁多唔同種類嘅餐廳，大多數都係中高價餐館嚟嘅，如果中午想食過商務午餐or見客食飯，咁相信呢類餐廳會係你嘅不二之選。其中我今日試呢間韓嘉嵐韓國料理就係其中之一！
先講環境，餐廳位於大廈嘅27樓，一出lift就係門口，門面比較狹窄細小，同時間最多只可以容納到約4-5個人企喺度等位(始終商業大廈格局，大部份都係咁)。侍應係一位韓國婦人，佢用唔咸唔淡嘅廣東話嚟同我地講等一陣、好快有位咁，態度非常有禮誠懇，但係筆者覺得佢太過心急，而且同入面嘅侍應溝通不足，佢連續叫左幾次我地入去坐，但裡面嘅侍應根本未執好張枱，搞到我地幾個入又唔係，唔入又唔係，成件事有啲尷尬。
之後佢安排我地入房坐，房入面有大玻璃窗，可以望到合和中心同後面嘅熱門行山徑：寶雲道，感覺真係幾Chill架！咁啱我地坐近窗邊，日光順住玻璃窗照射入嚟，霎時間覺得自己遠離繁嚚，唔再係生活逼人嘅上班族，只係一個喺山間庭院歎緊下午茶嘅優閒一族。
食物方面，未上主菜之前，已經上左每人三碟小前菜，佢啲前菜好多款式，我地一行三人就有九款唔同嘅小配菜了！菜式全部上齊嘅時候，個畫面真係好似食緊滿漢全席咁，視覺同味覺都有一種好強烈嘅衝擊，真係好豐富呀~講返主菜，筆者嗌左一個炒牛肉雜菜鍋(配白飯)，味道中上，湯汁濃郁，惟獨牛肉太硬，好難咬開。配菜嚟講，泡菜同薯仔都幾好食，喺芸芸配菜之中係最出色！
最後講埋價錢，筆者嘅炒牛肉雜菜鍋(配白飯)盛惠$89(另收加一)，整體嚟講算係抵食嘅！
Post
