小火山 (Closed)

今次同大家介紹一間位於銅鑼灣，有Live Band嘅泰式餐廳，主打香港好少地方可以食嘅泰豬鍋，可以一次過食晒火鍋同燒肉😋一坐低就會上杯welcome drink，餐廳環境好chill，座位好闊落，夜晚仲有Live band，可以一路打邊爐一路燒肉一路聽歌😍當晚嘅駐場band超高質，歌又好聽，嘢又好食😍chill爆😍前菜方面好推薦大家嗌小火山三味刺身一口杯盛盒，分別有三文魚、泰式生蠔同生蠔，每種刺身都好厚肉，味道好清新開胃泰豬鍋可以揀2個湯底，極力推薦大家嗌香茅椰汁雞湯！湯呈奶白色，入口口感非常順滑，椰子味超級香，帶有奶香味，就咁飲已經好好飲🥹🥹火鍋配料同燒肉都好味！值得一提嘅係餐廳喺醬汁方面都好比心機，提供左4種醬料，有辣有唔辣😍好適合同三五知己一齊黎食，打邊爐又得，燒肉又得！飲品方面我地叫左泰式奶茶同火山青檸藍泡泡，2杯都好好飲😋😋泰式奶茶超級滑，甜度恰到好處😍而青檸藍泡泡賣相就已經好靚，一定要打卡，味道亦酸酸甜甜，解膩一流