漁之部屋 (Closed)

翻食篇。金菇肥牛卷拉麵金菇肥牛卷本來就件數不多，我指就算岀面邊間食都咁話。但估唔到，一黎見到薄薄四五件😭好傷心 (睇埋落去先😏唔系會走寶)，金菇頭尾都煎得香，肥牛薄片，燶燶地但好惹味。。。可惜得咁少正當我憸住憸住咁食，突然打算夾埋金菇卷下面塊生菜食，咦？😱😭😳🥳🥳🥳🤪原來生菜下面仲有好多件金菇卷。。。見圖4，已經系食左啲先影，原來老闆無欺場😭🥳🤝好感動。好好味。值返晒。另外，拉麵幾爽口彈牙，配料足有粟米，豬骨湯底同堅魚湯底分別系，堅魚湯底可以見底(我對面果碗就系)。一個餐有沙律仔，提子都要切開兩半😂，有卷物，有奶茶，仲有個甜品仔(😏個甜品仔外軟內凍好正)。驚喜 金菇肥牛卷 無得彈！