城景閣

Open Now

Now Closed

朋友生日食晚飯，想食自助餐，知道呢度又有生蠔又有鵝肝，最重要係原價288一位，有Coupon只係208一位，兩個人連加一都唔駛500，所以一於就去呢度，早少少訂左六點半，去到已經有個客，我第一時間當然立即去搶我最愛既生蠔，出到去果陣見得返幾隻，不過我準備拎既時候已經有補給送到，一黎就食返七隻，以呢d自助餐供應既生蠔，呢度都算相當唔錯，只係有少許沙但可以接受，然後就係排隊拎煎鵝肝，雖然比較細塊不過既然係任食所以都唔太介意，何況我都唔算太鍾意食，所以食左兩塊就夠皮，我朋友就食左四塊。其他選擇雖然唔算太多，大部份亦都唔算係乜野特別野，冷盤熱盤甜品食過每一樣我都覺得好食，唯獨係有一個叫份子料理既東東，蛋白的外型，但一食之下 ... 我都完全唔知點形容係乜野味，總之唔係好食啦服務方面我覺得其實都幾好，加水收碟都幾快手，連廚師都會親自出黎睇下邊d食物差唔多無晒然後補足，生蠔同長腳蟹呢d都係不停有供應，橙汁西柚汁任飲，雖然我唔係食過好多次自助餐，但每次都總覺得即使食到食唔落都係回唔倒本，終於今次我只係食到剛剛飽但都覺得有回到本既感覺，當然主要係因為有Coupon減價