Video
Read full review
2018-09-29
148 views
是日出 job, 約附近朋友食晚餐，佢介紹左呢間。裝修幾cozy , 柔和燈光，歐式佈置，暖暖的格局，甫一坐低已經覺得好 relax , 我的 happy friday 呀！環境舒適，食物又如何？等我一一回味吓 ：煙三文魚蜂蜜醋沙律$68上層是滿滿的煙三文魚，下層係新鮮沙律菜，再配上粒粒乾提，細膩甜美。欣賞佢的沙律汁，係蜂蜜醋，酸酸甜甜，加上陣陣蜂蜜味道，好香，精神為之一振。呢個價錢，抵食。白酒忌廉燴青口$78白酒忌廉汁係落足料炮製，好濃好香，調味適中亦食得出有好香白酒味。青口一客六隻，部份青口肉略嫌細隻左少少，話咁快食完，浪費左D咁正的忌廉汁。巴黎牛柳粒扁意粉 $76牛柳粒好得，有咬口有牛味又唔韌，牛柳粒最忌 overcook, 佢火候控制得幾好，完全好易咬。扁意粉的質感亦唔錯，唔會太淋啱啱好。唯獨偏乾，冇乜汁，早知留返個青口白汁來撈意粉啦⋯⋯香煎比目魚扒配香草忌廉汁$128極具驚喜的一道菜，一上枱便香氣四溢，連隔離枱食飽飽的也很感興趣。比目魚皮煎得金黃，薄薄一層卻非常香脆。下面是雪白的魚肉，充滿油香，嫰滑可口，果然係皮脆肉嫩呀！魚皮上舖了蕃茄沙沙，好開胃，但其實比目魚唔使額外調味都
是日出 job, 約附近朋友食晚餐，佢介紹左呢間。裝修幾cozy , 柔和燈光，歐式佈置，暖暖的格局，甫一坐低已經覺得好 relax , 我的 happy friday 呀！
環境舒適，食物又如何？
等我一一回味吓 ：
煙三文魚蜂蜜醋沙律$68
上層是滿滿的煙三文魚，下層係新鮮沙律菜，再配上粒粒乾提，細膩甜美。
煙三文魚蜂蜜醋沙律
11 views
0 likes
0 comments
欣賞佢的沙律汁，係蜂蜜醋，酸酸甜甜，加上陣陣蜂蜜味道，好香，精神為之一振。呢個價錢，抵食。
白酒忌廉燴青口$78
白酒忌廉汁係落足料炮製，好濃好香，調味適中亦食得出有好香白酒味。
青口一客六隻，部份青口肉略嫌細隻左少少，話咁快食完，浪費左D咁正的忌廉汁。
巴黎牛柳粒扁意粉 $76
牛柳粒好得，有咬口有牛味又唔韌，牛柳粒最忌 overcook, 佢火候控制得幾好，完全好易咬。扁意粉的質感亦唔錯，唔會太淋啱啱好。唯獨偏乾，冇乜汁，早知留返個青口白汁來撈意粉啦⋯⋯
香煎比目魚扒配香草忌廉汁$128
香煎比目魚扒配香草忌廉汁
21 views
0 likes
0 comments
極具驚喜的一道菜，一上枱便香氣四溢，連隔離枱食飽飽的也很感興趣。比目魚皮煎得金黃，薄薄一層卻非常香脆。下面是雪白的魚肉，充滿油香，嫰滑可口，果然係皮脆肉嫩呀！
魚皮上舖了蕃茄沙沙，好開胃，但其實比目魚唔使額外調味都已經好夠味。朋友邊食邊讚，係佢 favour 。
香煎比目魚扒配香草忌廉汁
14 views
0 likes
0 comments
升級餐湯、即磨咖啡+$22
忌廉湯，質地比較稀，一般啫。
咖啡是即磨的，暖暖地唔算好熱，但幾大杯。
Post
