好燒味 (Closed)

🧡好燒味🧡位於人來人往嘅金鐘廊商場店舖與另一甜品店分隔開共用空間經營⁡位置開揚 座位唔算多但坐得舒適設計幾新穎 堂食要自助收拾乾淨⁡因為自己一人食晚餐 所以只叫了一個餐點🌈核蛋肉燥飯收到的時候有啲驚訝 原來蛋係用紙包俾我同盒飯係分開上 同張相不太對應肉燥都幾足料 撈晒成個飯 剛剛好一人分量上面仲有啲炸蒜粒及蔥 口感層次幾豐富至於隻(核蛋)因為係另上 剝殼食已經係全熟狀態唔係好知道所謂(核蛋)即係點🤷🏻‍♀️而且個飯第一啖食落口都已經唔係熱辣辣相信餐廳只係一路暖住個飯保溫🤦🏻‍♀️⁡以為堂食會好似平時咁會有餐盤等提供但原來都係就咁俾盒外賣飯及餐具紙巾等有點不太user-friendly及不方便而且雖然餐桌看似乾淨但因為係自助型式收拾就咁將餐具等俾客人其實算不上好衛生🥲⁡