Video
Read full review
2021-12-06
18 views
海膽仔係呢頭出哂名大件夾抵食，CP值極高！鄰近中學，應該係唔少學生既飯堂 舖頭名叫海膽仔，當然出名海膽啦！一入門口已經一櫃海膽歡迎你~望見一排又一排既海膽已經垂涎三尺。又唔好以為呢度淨係得海膽喎，其他刺身海鮮一啲都唔遜色，世界各地新鮮直送當季海鮮都可以係舖頭見到，生蠔、鮑魚、拖羅⋯⋯應有盡有！入到去當然要試海膽喇！極速叫左兩個主菜同啲小食，跟住好快到上菜時間。首先黎個頭盤，係餐牌上店舖推薦既培化帶子呑海膽，帶子勁厚勁大粒，口感實，由中間切開，加入入口即化，鮮甜味美既海膽，完美搭配！帶子口感加上海膽鮮甜，混和係口中，齒頰留香！叫左一份原條鰻魚飯，鰻魚軟綿香滑，完全食唔到有骨，而且！相！當！大！一整條又肥又厚既燒鰻魚，啱晒一眾食肉獸！ 然後到主角喇~ 加拿大海膽！店舖非常之貼心，將飯分好一個一個既波波，仲搭配新鮮脆紫菜，一個波波飯加上一格海膽同紫菜，一啖咬落去，海膽一啲苦味腥味都冇，入口甘香，瞬間大海落入口中。 除咗主菜之外，亦都有試餐廳小食，叫左什錦天婦羅同埋忌廉蟹肉餅。餐廳炸物都有一定水準，熱辣辣既天婦羅外皮脆卜卜，蝦肉彈牙，茄子軟熟香甜，一啲渣都冇，最緊要係一啲都唔油，非常乾身
舖頭名叫海膽仔，當然出名海膽啦！一入門口已經一櫃海膽歡迎你~望見一排又一排既海膽已經垂涎三尺。又唔好以為呢度淨係得海膽喎，其他刺身海鮮一啲都唔遜色，世界各地新鮮直送當季海鮮都可以係舖頭見到，生蠔、鮑魚、拖羅⋯⋯應有盡有！
入到去當然要試海膽喇！極速叫左兩個主菜同啲小食，跟住好快到上菜時間。
首先黎個頭盤，係餐牌上店舖推薦既培化帶子呑海膽，帶子勁厚勁大粒，口感實，由中間切開，加入入口即化，鮮甜味美既海膽，完美搭配！帶子口感加上海膽鮮甜，混和係口中，齒頰留香！
叫左一份原條鰻魚飯，鰻魚軟綿香滑，完全食唔到有骨，而且！相！當！大！一整條又肥又厚既燒鰻魚，啱晒一眾食肉獸！
然後到主角喇~ 加拿大海膽！店舖非常之貼心，將飯分好一個一個既波波，仲搭配新鮮脆紫菜，一個波波飯加上一格海膽同紫菜，一啖咬落去，海膽一啲苦味腥味都冇，入口甘香，瞬間大海落入口中。
除咗主菜之外，亦都有試餐廳小食，叫左什錦天婦羅同埋忌廉蟹肉餅。餐廳炸物都有一定水準，熱辣辣既天婦羅外皮脆卜卜，蝦肉彈牙，茄子軟熟香甜，一啲渣都冇，最緊要係一啲都唔油，非常乾身，完全沒油膩感。
另外值得一提就係餐廳有提供特別飲料，唔同口味既波子汽水同梳打汽水，一般餐廳都比較少見，大家有機會都可以試下。
餐廳主打溫馨風格，侍應服務都十分殷勤，食物價格合理，質素味道都十分不錯，非常推薦大家到海膽仔食飯哦！
Post