月．火鳳燒鳥 (Closed)

今日黎到呢間位於白布街，超高水準既居酒屋。居酒屋裝修心思精緻，居酒屋分兩層，上層是塌塌米，感覺置身於星空中。我地二人選擇下層bar枱位，牆身裝飾成魚缸，裹面隱約見到一支支日本酒。bar枱上擺放左個魚缸，裹面養左好多隻蟹仔，幾得意，原來佢係炸比人食架。太殘忍，所以我地無點啦。坐bar 枱好處係可以見到師傅親自燒串燒，好有日本feel，串燒又香噴噴，一d 都唔會大煙。先食個前菜-牛蒡炒免治雞肉粒，真係好小食牛蒡，甘樣炒原來都幾好味。刺身，深海池魚，帶子，魷魚，樣樣都新鮮甜味噌牛舌-呢個真係唔講得笑，勁好味，牛舌好腍，好入味，仲有d豆腐粒配襯。點小得串燒，五花腩，秋葵，雞軟骨，蘆荀，雞頸肉。豬頸肉就食得多，雞頸肉唔係師傅推介都唔識叫黎食，原來幾好味wo。雜錦魚生飯，餐牌無架，我都係隨便問下，師傅就整比我食，老闆話10月先推出咋，估唔比我早一步食到😋仲有甜品水玄信餅食，充滿驚喜既居酒屋，大家黎到呢度唔怕諗唔到食乜。