七福神和食亭

Open Now

Now Closed

夜晚收工行經佐敦彌敦道， 發現有一間性價比極高質素亦唔差嘅日本料理。青瓜蟹籽沙律-一上檯差啲畀佢嘅份量嚇親🤣大量青瓜絲和非常澎湃嘅蟹子， 淨係賣相已經冇得輸-入口非常鮮味，青瓜爽甜，蟹子口感一流青唐辛子豚肉串燒-豬豚肉片包住日本小青椒，清而不辣，配搭肥美嘅豬豚肉，再加上特製醬汁入口非常惹味，充滿層次感。墨魚咀唐揚-好有口感，外層嘅炸粉食落去不會太油膩，墨魚嘴彈牙新鮮，用嚟送酒簡直係一流。牛舌串&雞軟骨串-牛舌串: 非常爽口不會燒得過熟而影響口感-雞軟骨串: 入口又係爽嫩彈牙， 加少少海鹽喺面， 好惹味。玉子燒-蛋味香濃，味道不會過甜-蛋黃每層都非常紮實， 口感軟綿淋滑， 恰到好處。芝士焗天火蠔-白汁芝士好creamy，蠔味鮮甜，非常厚肉-加入少許煙肉碎， 真係食到舐舐脷魚生刺身-帶子: size 小，但係非常新鮮鮮甜-甘蝦: 極之爽甜彈牙， 蝦頭入面的蝦膏好鮮甜-金目鯛: 師傅將金目鯛外層魚皮，用火炙方式令外皮燒到非常甘香， 金目鯛肉質口感亦好爽嫩，魚味出眾， 可以話係最好味嘅其中一款刺身。