Video
Read full review
2021-01-23
1772 views
天寒地凍，當然要食燒肉！🤤最近留意到，喺尖沙咀開咗間CP值超高嘅燒肉店「驚安燒肉商店」，佔地4000呎，人均約二至三百蚊就可食靚牛食到飽！真係牛魔王們嘅福音！除咗燒肉，呢度仲有燒海鮮、各式和風小食、串燒，新開張仲有7折優惠，真係抵到爛！😍😍😍✦ 九宮格燒肉盛盒嚟驚安燒肉商店，必食係呢隻燒肉九宮格，一次話可以試勻A4和牛三角、頂級牛小排、厚切牛舌芯、辣漬翼板肉、Prime牛肉眼、汁燒護心肉、黑毛牛仔骨、紫蘇漬一口牛梅花，以及一本壺漬牛肋肉！啱晒我呢類咩都想試下，但又驚食唔晒嘅人！😍當中我最愛就係紫蘇漬一口牛梅花，甜甜地，帶微酸，肉質爽口彈牙，好惹味！A4和牛三角都唔錯，入口即化，油脂豐富。厚切牛舌芯就好彈牙，肉質膩滑，令人難以抗拒。另外，九宮格中嘅辣漬翼板肉就有少少辣，肉味濃郁。✦ 頂級牛肉眼壽喜燒一般壽喜燒都係火鍋，但呢度食嘅係燒肉版！果然好有特色呢！😂頂級牛肉眼固然一流，超大塊，輕輕一燒，表層已香香脆脆，油脂滿滿，但最正都係個醬汁！係壽喜燒味架！店家將製作壽喜燒湯底嘅材料製成醬汁，好似醬油、味醂及糖等混合，上面仲打咗隻生雞蛋，食上口甜中帶點咸香，好惹味！真係一定要試！✦ 壺漬牛肋肉呢
天寒地凍，當然要食燒肉！🤤最近留意到，喺尖沙咀開咗間CP值超高嘅燒肉店「驚安燒肉商店」，佔地4000呎，人均約二至三百蚊就可食靚牛食到飽！真係牛魔王們嘅福音！除咗燒肉，呢度仲有燒海鮮、各式和風小食、串燒，新開張仲有7折優惠，真係抵到爛！😍😍😍
九宮格燒肉盛盒
$288
224 views
3 likes
0 comments
九宮格燒肉盛盒
$288
120 views
2 likes
0 comments
嚟驚安燒肉商店，必食係呢隻燒肉九宮格，一次話可以試勻A4和牛三角、頂級牛小排、厚切牛舌芯、辣漬翼板肉、Prime牛肉眼、汁燒護心肉、黑毛牛仔骨、紫蘇漬一口牛梅花，以及一本壺漬牛肋肉！啱晒我呢類咩都想試下，但又驚食唔晒嘅人！😍
當中我最愛就係紫蘇漬一口牛梅花，甜甜地，帶微酸，肉質爽口彈牙，好惹味！
A4和牛三角都唔錯，入口即化，油脂豐富。
厚切牛舌芯就好彈牙，肉質膩滑，令人難以抗拒。另外，九宮格中嘅辣漬翼板肉就有少少辣，肉味濃郁。
頂級牛肉眼壽喜燒
$116
40 views
4 likes
0 comments
一般壽喜燒都係火鍋，但呢度食嘅係燒肉版！果然好有特色呢！😂
頂級牛肉眼固然一流，超大塊，輕輕一燒，表層已香香脆脆，油脂滿滿，但最正都係個醬汁！係壽喜燒味架！店家將製作壽喜燒湯底嘅材料製成醬汁，好似醬油、味醂及糖等混合，上面仲打咗隻生雞蛋，食上口甜中帶點咸香，好惹味！真係一定要試！
壺漬牛肋肉
$88
60 views
1 likes
0 comments
呢款喺九宮格入面都有，但真係太正，所以特別再點多份！牛肋肉有啲甜甜地，肉質好彈牙，雖然落重漬醬，但仍食到牛肉嘅肉味，推薦。
大虎蝦（隻）
$56
58 views
2 likes
0 comments
蝦肉彈牙嫩滑，係好食嘅，但相對其他嘢嚟講，唔太特別。
芝士年糕、菠蘿串
$40
50 views
1 likes
0 comments
呢個芝士年糕同出面食開嗰隻好唔同，個皮真係好薄！咬開有少少芝士流心，點埋沙律醬食，好味到癲！質地真係100分！
✦ 菠蘿串
想點樣酸甜嘢解膩，但呢個菠蘿串又未免酸咗啲...😂係無渣，好多汁，但真係好酸，唔太建議order。
黑松露牛油果沙律
$38
85 views
1 likes
0 comments
呢個沙律Bowl真係幾抵食，好大碗同勁多牛油果！仲溝咗松露油！好香口！隻味至今仍好記得！🤤
✦ 飯團 HK$18（加HK$2，附明太子醬）呢個飯團好足料，入面混有藜麥、芝麻、紫菜碎及香料。放在爐邊燒一陣，上面就有層薄薄飯焦，非常香口。不過，明太子又辣又濃味，溝入飯團會太搶味，無晒飯香。
Post
