Video
Read full review
2022-08-24
347 views
對日本菜嘅熱愛程度，就算喺狂風暴雨嘅天氣之下都阻唔到我哋去食，風雨不改！朋友訂咗呢間餐廳請食omakase午餐為我慶祝生日，入到去見到個環境寬敞、坐得無壓迫感幾舒服，大家可無拘無束暢飲飯聚。她食10件壽司定食、我揀 「舍·Homakase」有6款刺生6貫壽司，兩個sets都有沙律、湯和甜品，性價比高沙律> 先嚟個爽脆蔬菜沙律，淋上用黑醋蜜糖芝麻等的特製醬汁，撈勻食清甜開胃茶碗蒸> 近期食過最香嫩！有帆立貝絲/木耳/銀杏/香菇/燒年糕等，上面落咗小處子芡汁、洒上柚子鹽調味幾有水準，燒年糕煙韌口感可愛薄切平目魚刺身・平目魚壽司> 又稱左口魚，師傅用上兩種做法：雪白生魚片撒上竹炭鹽、另有紫蘇花可加在酸汁點魚食，旁有兩片燒香的裙邊；平目魚壽司上面放了油潤的火灸魚腩；爽口的平目魚點了酸汁生津味美，炎夏食更為醒胃。很喜歡放刺身的碟子、充滿禪意如扇形畫框般優雅宮城縣「独眼竜」> 有身份証喎！夠晒“蠔”氣的巨型真蠔，甘甜爽脆肉質飽滿，簡單加柚子青檸吊味就能食出鮮甜真味；方型擺盤像幅古畫般很有意境赤貝壽司> 師傅將其切成蝴蝶狀，光亮橙紅很有美態，以青檸+豉油調味突
朋友訂咗呢間餐廳請食omakase午餐為我慶祝生日，入到去見到個環境寬敞、坐得無壓迫感幾舒服，大家可無拘無束暢飲飯聚。她食10件壽司定食、我揀 「舍·Homakase」有6款刺生6貫壽司，兩個sets都有沙律、湯和甜品，性價比高
沙律
> 先嚟個爽脆蔬菜沙律，淋上用黑醋蜜糖芝麻等的特製醬汁，撈勻食清甜開胃
茶碗蒸
> 近期食過最香嫩！有帆立貝絲/木耳/銀杏/香菇/燒年糕等，上面落咗小處子芡汁、洒上柚子鹽調味幾有水準，燒年糕煙韌口感可愛
薄切平目魚刺身・平目魚壽司
> 又稱左口魚，師傅用上兩種做法：雪白生魚片撒上竹炭鹽、另有紫蘇花可加在酸汁點魚食，旁有兩片燒香的裙邊；平目魚壽司上面放了油潤的火灸魚腩；爽口的平目魚點了酸汁生津味美，炎夏食更為醒胃。很喜歡放刺身的碟子、充滿禪意如扇形畫框般優雅
宮城縣「独眼竜」
> 有身份証喎！夠晒“蠔”氣的巨型真蠔，甘甜爽脆肉質飽滿，簡單加柚子青檸吊味就能食出鮮甜真味；方型擺盤像幅古畫般很有意境
赤貝壽司
> 師傅將其切成蝴蝶狀，光亮橙紅很有美態，以青檸+豉油調味突出它的爽厚鮮脆
活石垣貝刺身
> 招牌拍打動作令貝肉即時捲縮用青檸檬汁提升甜味，把握呢個moment食之、享受新鮮爽甜嘅質感
燒帆立貝
> 灸燒令貝面焦糖化，入口有瑤柱香、軟糯彈牙好食
慢煮八爪魚
>堪稱巨無霸的深海水八爪魚，觸鬚超長！慢煮令其纖維軟化腍滑，柚子胡椒等汁煮蘿蔔濃郁鮮味。盛載的碟子有鑲空細節古意盎然
金目鯛壽司
> 用風乾熟成做法先抽走魚身水份使魚質更鬆和細緻，火灸魚皮入口焦香微脆，上面的炒烏魚子粉油香四溢，配搭高質
味噌芝士
> 間場師傅比我哋食嘅麵豉製車打芝士，似南乳味卻較平易近人不甚重口味、幾香甜
煙燻鰹魚刺身
> 以日本稻草煙烤鰹魚表面帶出醺染出濃濃魚香，師傅美妙刀法把魚片切得有層次感，用土佐醋啫喱和金黃色的炸京蔥絲配搭，整體食味平衡出色
赤鯥刺身・海葡萄・水果蕃茄
> 赤鯥搽上醬油火燒、魚皮香脆魚肉充滿油花，搭配清脆甜的海葡萄及酸香的土佐醋啫喱，突顯赤鯥豐腴魚脂，最後食高糖度的靜岡甜茄去平衡魚油味
縞縿魚壽司
> 配上京都漬物：米/葫蘆瓜麵豉/京蔥，香脆微辣令脂厚魚香重的縞縿鮮味更為出色；魚皮一抹閃銀耀目亮銀
醋鯖魚捲壽司
> 特別處在於飯～師傅調節加入多元配料，有芝麻紫蘇和餐廳自煮冬菇等加重味道層次感；火灸鯖魚後加白昆布在面，柔軟的昆布份外甜美入口融化，鯖魚擦上秘製醬油甘甜味更上一層樓，整個卷物幾好食
甜蝦蝦膏壽司
> 整晚最高4重享受！鮮脆creamy甜蝦身、疊上如膠似漆的黏口蝦膠、燒香蝦膏再加餐廳磨製的櫻花蝦粉，將整隻甜蝦優點放大4倍給我們品嚐！堅好食
大拖羅壽司
> 油脂豐盛的大拖羅，以山葵莖做漬物提味，魚脂甘香
魚湯
> 餐廳有一位專門煮湯的師傅！材料有紫菜，香蔥豆腐和菇，飲落清香魚鮮味濃，餐廳用咗6斤魚3粒鐘去淆湯，入口奶滑
霧多布馬糞海膽杯
> 多角度咁睇呢份海膽杯真係零死角咁完美，洒上乾紫菜粉甘甜鮮味儘出，食完夜晚發夢都笑出嚟
拖羅手卷
> 餐廳矚目度高的signature名物，讓視覺味蕾都有高級別享受。師傅先猛火灼燒拖羅魚皮，魚脂接觸花火製造出“霹靂拍勒”嘅燒烟花效果富娛樂性，睇到我哋尖叫！每滴熱魚油洒滿吞拿魚蓉、千本漬蘿蔔、青蔥京蔥、芝麻和天婦羅麵衣，師傅把濃香魚和飯料拌勻放在紫菜上熟練一捲、手卷尾端以紫菜封口、易攞上手之餘食時不會把餡兒跌出！睇相都見到紫菜品質唔錯，較厚身香脆crispy。呢件卷物油脂甘香
栗子雪糕
> 有鬆化粒粒栗子，雪糕口感幼滑甜味適中。朋友的薑味雪糕也很清甜、辣味溫和
柚子清酒
> 清新香甜易入口啱女仔飲
* 很佩服師傅團隊他們兼顧到各頂細微的烹調工序，配搭食材、調味設計充滿新意和驚喜。店主友善能幹、對餐廳很有理念，廚師團隊和職員均有禮貌
甜蝦蝦膏壽司
6 views
0 likes
0 comments
拖羅手卷
8 views
0 likes
0 comments
慢煮八爪魚
6 views
0 likes
0 comments
霧多布馬糞海膽杯
5 views
0 likes
0 comments
宮城縣「独眼竜」
6 views
0 likes
0 comments
燒帆立貝/醋鯖魚捲壽司
3 views
0 likes
0 comments
魚湯/茶碗蒸
4 views
0 likes
0 comments
沙律/栗子雪糕
2 views
0 likes
0 comments
Post
