Video
Read full review
2023-08-04
21 views
cp值高嘅木系台式餐廳｜📍饞.台式食堂有日嚟到K11 Musea嘅foodcourt揾食，眾所周知呢個商場嘅燈光都比較陰暗架啦😂所以行行下見到呢間燈光明亮、裝修靚靚嘅木系餐廳，而且仲有台式茶飲外賣位置，睇到店員點整嘢飲。就決定入嚟食晚餐啦🫶🏻但估唔到意外揾到寶，餐廳嘅食物唔貴之餘仲要份量好多，簡直物超所值🧏🏻♀️♡饞.半筋半肉麵♡｜💰$86湯底可以選擇可選紅燒/麻香/蔥燒口味，麵底方面可以選擇可選台灣陽春麵或台灣刀削麵，今次我揀咗醇香紅燒湯同掛汁彈牙嘅刀削麵，牛腩大大塊份量多，食落軟嫩一啲都唔韌仲好入味💓2大塊牛筋都好Q彈充滿住膠質😋另外作為配菜嘅榨菜夾口，配埋麵一齊食更加增添到口感🥰♡紅燒牛腩飯+轉配滷肉飯♡｜💰$86+$12🤩想講加$12轉配滷肉飯，可以話係超級值得！首先滷肉係切成條狀，食落肉量多又keep到有口感🤩滷肉汁份量都好多，所以唔會出現個飯唔夠味嘅情況💓牛腩同樣都係份量多炆得好淋好入味🥰除咗牛腩仲有共4~5塊紅蘿蔔同白蘿蔔，兩款蘿蔔都係完全冇根😍仲索哂紅燒汁嘅味🥰入口軟淋味道濃郁♡最佳拍檔♡｜💰$68呢款小食啫係鹽酥雞拼臺灣香腸🫶🏻見2款都係我嘅最愛就毫不猶豫咁嗌咗😏鹽酥
有日嚟到K11 Musea嘅foodcourt揾食，眾所周知呢個商場嘅燈光都比較陰暗架啦😂所以行行下見到呢間燈光明亮、裝修靚靚嘅木系餐廳，而且仲有台式茶飲外賣位置，睇到店員點整嘢飲。就決定入嚟食晚餐啦🫶🏻但估唔到意外揾到寶，餐廳嘅食物唔貴之餘仲要份量好多，簡直物超所值🧏🏻♀️
♡饞.半筋半肉麵♡｜💰$86
湯底可以選擇可選紅燒/麻香/蔥燒口味，麵底方面可以選擇可選台灣陽春麵或台灣刀削麵，今次我揀咗醇香紅燒湯同掛汁彈牙嘅刀削麵，牛腩大大塊份量多，食落軟嫩一啲都唔韌仲好入味💓2大塊牛筋都好Q彈充滿住膠質😋另外作為配菜嘅榨菜夾口，配埋麵一齊食更加增添到口感🥰
♡紅燒牛腩飯+轉配滷肉飯♡｜💰$86+$12
🤩想講加$12轉配滷肉飯，可以話係超級值得！首先滷肉係切成條狀，食落肉量多又keep到有口感🤩滷肉汁份量都好多，所以唔會出現個飯唔夠味嘅情況💓牛腩同樣都係份量多炆得好淋好入味🥰除咗牛腩仲有共4~5塊紅蘿蔔同白蘿蔔，兩款蘿蔔都係完全冇根😍仲索哂紅燒汁嘅味🥰入口軟淋味道濃郁
♡最佳拍檔♡｜💰$68
呢款小食啫係鹽酥雞拼臺灣香腸🫶🏻見2款都係我嘅最愛就毫不猶豫咁嗌咗😏鹽酥雞食落酥脆趁熱食咬落去仲有少少肉汁爆發出來🤩另外，臺灣香腸絕對唔係普通街邊小食貨色，腸仔切到一片片可以見到脂肪分佈平均，食落味道特別香香甜甜咁💓
💛凡惠顧任何麵或飯類，所有飲品一律減＄10💛
♡芝芝芒芒♡｜💰跟餐$30
芝士個質感厚實有淡淡芝士味，芒果沙冰味道天然，唔會有化學味💓飲落好消暑，配埋炸物一流🫶🏻個人私心鐘意呢杯多啲❤️🔥
♡朱古力沙冰♡｜💰 跟餐$30
朱古力沙冰上面層cream有奶香配埋朱古力粉打卡幾靚，飲品飲落冰感重，朱古力味🍫適中唔會過甜😉
Post
