意粉狂熱 (皇室堡) (Closed)

CP值高嘅西餐@銅鑼灣餐廳名係就係叫意粉狂熱，不過都有好多其他嘢食，例如 Pizza 同小食。依家 D小食有優惠，最平 $18 有交易，我哋叫咗兩個小食都好食。重有套餐都抵食，不過我哋想試明太子 Pizza 就散叫咗，食咗 $400左右。朋友特別鍾意飲湯，佢話洋蔥湯煮得唔錯，D 洋蔥幾黃金。法包多士面層用芝士焗香，麵包索滿哂湯，十分美味～兩隻蝦交叉咁搭喺面，賣相幾好睇。忌廉意粉口感 creamy 但係唔膩，應該係因為加咗大量牛油果，連顏色都變得青綠。💚酒精飲品都多選擇㗎喎，有 House Wine（紅白酒）、啤酒、Mojito同Sangria。杯 White Wine Sangria 酒味濃，啱我！入面有唔少水果，非常豐富同 fresh。依杯我無試飲到，朋友話芒果味唔係過酸嗰種，飲落酸酸甜甜好開胃。依個咁精緻嘅 tapas $28 咋，絕對無將貨就價。三文魚包住香濃芝士，配我杯 Sangria fit 哂。另一個小食都係 $28，芝士鋪得好滿，蒜味芥末醬蒜味好香好惹味。海鮮料有帶子同蝦，鹹香嘅明太子同 Pizza 好夾。 Pizza Pizza 餅底唔太厚，無咁 heavy。