Tiger Lily (Closed)

啟德Mikki 商場最底層最近開左一間新西餐廳，見到個環境幾靚，於是入去食返餐好既。揀左個角落位，可以Me time 一下。餐牌上有綠色既菜式係素食，我靈機一動，想試下佢哋既素食如何。於是點左個未來漢堡 Impossible burger, 有餐湯跟。 至於跟餐再點飲品可以半價。考慮到素食味道，我揀左Mango Matcha Latte餐湯，羅宋湯香濃蕃茄味，再有好多薯蓉，酸酸甜甜，飲完好開胃。未來漢堡 Impossible Burger $118用豆製作既素漢堡扒，味道似食緊和牛漢堡，中層有芝士同大啡菇，咬落啖啖滋味，配埋個酸沙律菜就更加好食啦！薯條就都幾外脆內軟。Mango Match Latte $42 (跟餐半價，$21）mango爆珠沖既抺茶鮮奶，酸甜果味同幼滑既抺茶鮮奶，有種夏日既冰凍同新鮮感。