Video
Read full review
2024-09-21
322 views
Bingle Bingle 空中列車烤肉(12/9/2024）我有個親友喺群組極力推介我哋去茘枝角食烤肉，佢話這間烤肉餐廳嘅食物好食抵食，價錢又唔貴，店員服務態度又好，令人食得開心。這間烤肉餐廳叫Bingle Bingle 空中列車烤肉，位於九龍茘枝角深盛路8號碧海藍天AEON超級市場地下L002舖，茘枝角地鐵站D3出口，行幾分鐘就到，非常方便，我有個朋友都好鍾意食烤肉，今晚我哋一齊去食好嘢。這間烤肉餐廳裝修得好現代化，環境寬敞舒適，地方整潔光猛，枱凳擺設整齊，令人都坐得舒服，仲有幾架空中列車全程運送食物俾客人，十分貼心。餐牌上嘅食品款式選擇都多，一人烤肉套餐都有13款選擇，款款都好吸引，還有兩個肉類份量來選擇，套餐仲配有白飯、韓式牛肉雜菜湯或粟米椰菜絲沙律、韓式涼菜，其餘仲有23款單點菜、13款嘅副食類、4款甜品類及13種飲品類，還有兒童套餐，餐廳推介韓式牛肉、宮崎和牛、豬五花等，更說明烤肉引力，火力全開，咁烤肉一定烤得好食。我哋都覺得烤肉係牛肉最好食，我哋叫咗一人燒烤套餐嘅韓式牛肋骨套餐和美國牛五花及美國牛小排套餐，仲選咗最大嘅肉類份量，再叫多兩個單點菜嘅西班牙豬五花和海蝦，飲品就
我有個親友喺群組極力推介我哋去茘枝角食烤肉，佢話這間烤肉餐廳嘅食物好食抵食，價錢又唔貴，店員服務態度又好，令人食得開心。這間烤肉餐廳叫Bingle Bingle 空中列車烤肉，位於九龍茘枝角深盛路8號碧海藍天AEON超級市場地下L002舖，茘枝角地鐵站D3出口，行幾分鐘就到，非常方便，我有個朋友都好鍾意食烤肉，今晚我哋一齊去食好嘢。
這間烤肉餐廳裝修得好現代化，環境寬敞舒適，地方整潔光猛，枱凳擺設整齊，令人都坐得舒服，仲有幾架空中列車全程運送食物俾客人，十分貼心。餐牌上嘅食品款式選擇都多，一人烤肉套餐都有13款選擇，款款都好吸引，還有兩個肉類份量來選擇，套餐仲配有白飯、韓式牛肉雜菜湯或粟米椰菜絲沙律、韓式涼菜，其餘仲有23款單點菜、13款嘅副食類、4款甜品類及13種飲品類，還有兒童套餐，餐廳推介韓式牛肉、宮崎和牛、豬五花等，更說明烤肉引力，火力全開，咁烤肉一定烤得好食。
我哋都覺得烤肉係牛肉最好食，我哋叫咗一人燒烤套餐嘅韓式牛肋骨套餐和美國牛五花及美國牛小排套餐，仲選咗最大嘅肉類份量，再叫多兩個單點菜嘅西班牙豬五花和海蝦，飲品就叫咗白桃烏龍味汽水和韓國海太果肉提子汁，最後甜品叫士多啤梨雪糕可以後上來。
用完數碼落單，好快架空中列車就來了，兩個一人烤肉套餐來到，果然韓式牛肋骨、美國牛五花、美國小牛排份量都多，立即放落烤爐去烤，又係好快就聞到好香嘅牛肉味，美國牛五花同小牛排肉質好靚，油脂分布平均，一燒可以食，牛肉味超濃和油香滿滿的，又不會太膩，兩樣肉質都好稔滑，爐邊擺放了一系列醬汁，任選來配搭烤肉食好正，而韓式牛肋骨口感鮮嫩，油脂豐富，肉質鮮甜，令口感豐富多汁，撈埋燒肉汁食白飯真係好味，而韓式牛肉雜菜湯好香牛味好飲，加埋泡菜夾住烤肉食，真係一流。
單點菜嘅海蝦新鮮肥美大大隻，燒完都係咁大隻，又好香蝦味，肉質有爽滑好食，而豬五花肉味濃郁，厚薄剛好，燒得香口，又係好食，飲品嘅白桃烏龍味汽水和韓國海太果肉提子汁，好有地道地韓國風味，好配合來食烤肉，我哋食晒所有燒烤嘅食品，架空中列車就送甜品嘅士多啤梨雪糕來了，真係貼心開心。
這間烤肉餐廳好值得推薦俾大家，真係好食抵食，價錢又唔貴，店員服務態度又好，又冇加一，食滿$300仲有得抽獎，我哋下次再來食其他烤肉。
Post
