麵.睦月 (Closed)

想試呢間好耐，前排知道告急所以特登黎試下💛不過可能因為大家都知佢告急，所以夜晚7:15左右去到，已經好多人喺門口排隊，排到去隔離鋪門口😂不過同朋友一心諗住黎試下，所以點都等落去，等到差唔多8點，終於成功入座！🤩而且疫情底下，老闆娘都會為每位客人量體溫同用酒精噴手👍🏻嗌完野食大約等10 分鐘後就有得食☺️我試叉燒瀑布闊麵定食成個定食捧上黎嘅時候好豐富，前菜有甜薯、中華沙律、毛豆，仲有麵豉湯同朋友一致都覺得甜薯好食😋（前菜應該會不時轉，前排見有人係茄子）至於主菜叉燒闊麵，因為本身有睇過有comment話冇咩特別，只係闊左嘅麵，所以冇特別大期望抱住呢個心態食係ok, 因為味道的確冇因為啲麵變闊左而特別入味，反而第一個感受係好難吮上黎食，比想像中吮得攰😂😂 但味道係正常嘅至於叉燒有三塊，厚度適中，軟硬度都係我鐘意嘅質感；溏心蛋都不錯；另外個麵強調係鰹魚熱湯，開頭飲的確係幾清，不過愈食後尾會偏鹹。整碗麵我會歸類為正常發揮啦😃另外同朋友仲有嗌個蟹肉忌廉薯餅，冇影相不過外皮夠脆，味道正常。以$78 晚市定食黎講，包埋湯、飲品，cp 值頗高。另外老闆娘熱情好客，我地食完後仲會問我地有咩評價可以隨便講，感