Video
Read full review
2022-10-30
55 views
今日又突然想食酸菜魚，就近近地去附近金百利一間樓上食店食。.大約7點左右上到去，唔需要等位就入得，一入到去見到地方都唔細，而且乾淨企理，每個位都好寬落。.職員都好熱心介紹餐廳唔同的拿手小菜，咁我地就要左個細的酸菜魚同埋水煮牛肉。.酸菜魚 (細) $238唔好以為真係好細，一上枱即刻wow一聲，好大盤，同埋仲有埋個魚頭。魚片份量唔少，仲有一d配菜同埋寬粉，兩個人食都夠飽，但3人以上就建議要個大的酸菜魚。另外，佢地的酸菜魚係少油，仲加左花椒，食落唔重味精，我地直頭飲左幾碗湯，飲落酸酸辣辣，好易入口。我地今次叫左小辣，辣度大概係譚仔10小辣，如果嚐辣之人可以叫中辣，應該會更惹味。.水煮牛 $138水煮牛上枱時連埋個小蠟燭，可以確保唔會凍左，呢味餸比起酸菜魚多油，但如果送飯就一流。牛肉夠嫩滑，而且夠麻夠辣，重口味人士一定會好鐘意。.後記果日食飯見到有2位客人由點餐到離開時都對職員好苛刻，響職員面前不停貶低餐廳，又抬舉另一間大型連鎖地舖酸菜魚餐廳，職員都好耐心同禮貌回應佢地，點知去到結帳時果2位客人見到要收取加一服務費時就勃然大怒，話竟然咁都要收佢地服務費，之後仲話以後都唔再食。.其實而家好多小
今日又突然想食酸菜魚，就近近地去附近金百利一間樓上食店食。
.
大約7點左右上到去，唔需要等位就入得，一入到去見到地方都唔細，而且乾淨企理，每個位都好寬落。
.
職員都好熱心介紹餐廳唔同的拿手小菜，咁我地就要左個細的酸菜魚同埋水煮牛肉。
.
酸菜魚 (細) $238
1 views
0 likes
0 comments
2 views
0 likes
0 comments
唔好以為真係好細，一上枱即刻wow一聲，好大盤，同埋仲有埋個魚頭。魚片份量唔少，仲有一d配菜同埋寬粉，兩個人食都夠飽，但3人以上就建議要個大的酸菜魚。另外，佢地的酸菜魚係少油，仲加左花椒，食落唔重味精，我地直頭飲左幾碗湯，飲落酸酸辣辣，好易入口。我地今次叫左小辣，辣度大概係譚仔10小辣，如果嚐辣之人可以叫中辣，應該會更惹味。
.
水煮牛 $138
5 views
0 likes
0 comments
水煮牛上枱時連埋個小蠟燭，可以確保唔會凍左，呢味餸比起酸菜魚多油，但如果送飯就一流。牛肉夠嫩滑，而且夠麻夠辣，重口味人士一定會好鐘意。
.
後記
果日食飯見到有2位客人由點餐到離開時都對職員好苛刻，響職員面前不停貶低餐廳，又抬舉另一間大型連鎖地舖酸菜魚餐廳，職員都好耐心同禮貌回應佢地，點知去到結帳時果2位客人見到要收取加一服務費時就勃然大怒，話竟然咁都要收佢地服務費，之後仲話以後都唔再食。
.
其實而家好多小店都難做，加上仲要係樓上餐廳，用大型連鎖地舖餐廳的規模同小店相比，絕對不公平。不過，經過呢件事，更加睇得出呢間餐廳的職員個個都好專業，即使遇到西客，都依然維持好好的態度，真係好難得。
Post
