Video
Read full review
2022-10-30
424 views
堅尼地城真係好多美食！聽聞 Kuru Kuru 嘅手拉薄餅唔錯，而且套餐 CP 值極高，所以尋日行完市集就過去試下～去到發現有個萬聖節限定嘅二人餐，二百幾蚊有 2 個小食、兩個主食（可選擇手拉薄餅、手工意粉或者意大利飯），仲有一個甜品，真係超抵 😍辣肉腸芝士手拉薄餅個餅底真係好正，厚薄適中，口感煙煙韌韌，唔會話好實好似食緊麵包咁，仲有少少燶邊 🤤 手拉薄餅真係特別好食！👍🏻單骨雞翼配薯角、章魚小丸子雞翼同薯角都炸得夠香脆，而且雞翼辣辣地好惹味；至於章魚小丸子，係因為本身想嗌炸魚塊但冇晒，所以就要用呢樣來代替，只能講係普普通通不過不失，冇太大驚喜！🙈炸軟殼蟹蕃茄意大利飯軟殼蟹雖然有少少油，但係都炸得幾脆，意大利飯軟硬度適中，果汁超香蕃茄味 🤤南瓜巴斯克芝士蛋糕（萬聖節限定）口感比較鬆散，南瓜味同芝士味都唔太突出，但係佢勝在唔會太甜，都係一個唔錯嘅甜品 😉雖然呢個餐冇跟飲品，但係佢嘅價錢就算散叫飲品都非常之抵，我哋當日叫咗兩杯凍飲，埋單都唔使$300 🙈 其實佢都仲有一啲行上嘅二印刷，價錢一樣都係非常抵，而且嗰啲仲包埋嘢飲 👍🏻 聽聞佢嘅手工意粉都唔錯，下次要再試吓先 😋
去到發現有個萬聖節限定嘅二人餐，二百幾蚊有 2 個小食、兩個主食（可選擇手拉薄餅、手工意粉或者意大利飯），仲有一個甜品，真係超抵 😍
辣肉腸芝士手拉薄餅
個餅底真係好正，厚薄適中，口感煙煙韌韌，唔會話好實好似食緊麵包咁，仲有少少燶邊 🤤 手拉薄餅真係特別好食！👍🏻
單骨雞翼配薯角、章魚小丸子
雞翼同薯角都炸得夠香脆，而且雞翼辣辣地好惹味；至於章魚小丸子，係因為本身想嗌炸魚塊但冇晒，所以就要用呢樣來代替，只能講係普普通通不過不失，冇太大驚喜！🙈
炸軟殼蟹蕃茄意大利飯
軟殼蟹雖然有少少油，但係都炸得幾脆，意大利飯軟硬度適中，果汁超香蕃茄味 🤤
南瓜巴斯克芝士蛋糕（萬聖節限定）
口感比較鬆散，南瓜味同芝士味都唔太突出，但係佢勝在唔會太甜，都係一個唔錯嘅甜品 😉
雖然呢個餐冇跟飲品，但係佢嘅價錢就算散叫飲品都非常之抵，我哋當日叫咗兩杯凍飲，埋單都唔使$300 🙈 其實佢都仲有一啲行上嘅二印刷，價錢一樣都係非常抵，而且嗰啲仲包埋嘢飲 👍🏻 聽聞佢嘅手工意粉都唔錯，下次要再試吓先 😋
Post
