靚煲皇 (Closed)

中秋做節，帶兩老黎旺角核心既外圍試呢間［靚煲皇］，去恰下恰下。火鍋店地點雖然係核心外圍，但係其實距離旺角地鐵站都係幾分鐘，十分方便，且食物令人回味。店鋪雖然唔係太大，但座位絕對唔迫，坐得舒服。先揀湯底，呢度個個火鍋湯底都相吸引，各有特色。最終揀左冬瓜花膠雞窩補補，大大個窩鋪得滿滿，非常足料，最正就係有大過我手板既花膠。嗌左d火鍋配料，白鱔、手切肥牛、台灣鴨血、紅薯粉、竹笙、手打蝦拼墨魚丸、韮菜餃同薯仔片。樣樣都好新鮮，而且每碟分量都十足。好味到所有野食都清哂，4人行個個棒住個肚走。老闆亦好細心，店入面有wifi 之餘，餐枱旁仲有USB 頭叉電添。我下次要黎試埋呢度既小菜。