金鶴拉麵 (荷李活道) (Closed)

一個人的晚餐, 唔想食快餐, 食拉麵就最好不過。公司附近有間拉麵店---金鶴拉麵, 同事食過讚口不絕, 正好今晚去試試。平日正值下班時間, 可順利安排入座, 餐廳環境整潔企理, 主打嘅拉麵有唔同湯底選擇, 另有鰻魚飯、小食、串燒,揀咗一款signature湯底----極濃雞白湯,極濃雞白湯拉麵 :奶白色湯底以原隻雞烹調超過8小時, 味道鹹甜黏滑, 非常creamy, 容易掛湯, 每條麵條都掛上湯汁, 麵質軟硬剛好, 啖啖含豐富天然骨膠原, 深受女士喜愛, 健康又美顏。牛蒡即炸, 甘香香脆不油; 雞肉有dd厚度, 肉質嫩滑; 豚肉叉燒粉嫩薄切, 毫不油膩。配有軟滑流心嘅溫泉蛋、荀片、木耳絲同埋香蔥, 令口感同味道都豐富有層次。蒲燒生燒鰻魚:燒鰻魚表面掃上了甜甜鰻魚汁, 皮稍為索咗少少汁醬帶點點煙韌, 鰻魚質地好林, 汁醬稍帶出鮮香味。明太子雞翼:外皮微脆, 雞翼嫩滑juicy, 釀入嘅明太子令整體味道有少少辣, 幾惹味。