Video
Read full review
2021-05-09
1110 views
要不是張memory 卡壞左啲相未攞得番，老早我就已經介紹咗呢間餐廳。 海港城海運基本上間間都係人龍店，當然質素未必間間好，呢間出奇地唔需要瘋狂排隊，吃過兩次都覺得非常精彩的其中一間店。既然張卡整番，啲相攞得番，就要推介了。 兩次到訪，一次主力食佢個意式下午茶，另外一次就主力食意粉，兩次都非常出色。 先分享下午茶，呢個二人套餐下午茶，同平時你喺酒店食到嘅下午茶好不同，$328兩位喺呢個區域算係非常超值，仲要內容非常豐富。 鹹點有香辣波士頓龍蝦法式多士，非常搶鏡，有幾可下午茶會用到龍蝦做主角。 煙三文魚牛油果酥餅，個煙三文魚非常滿足，成口都係三文魚嘅油香，加上牛油果呢個最佳拍檔，好開胃。 意大利風乾火腿青醬配水牛芝士，基本上熱愛意大利食物與火腿芝士嘅朋友冇可能唔鍾意食呢件野 ，好少鹹點件件都好impressive。 甜點方面呢度出名嘅Tiramisu，變成提拉米提山，冇平時咁大杯，少食多滋味，呢個絕對不能錯過。 朱古力曲奇餅相對就簡單啲，印象冇咁深刻。 最後嘅意式鮮果撻，各有可愛之處，當然以朱古力脆皮為主角嘅較為特別。 由於當日
海港城海運基本上間間都係人龍店，當然質素未必間間好，呢間出奇地唔需要瘋狂排隊，吃過兩次都覺得非常精彩的其中一間店。既然張卡整番，啲相攞得番，就要推介了。
兩次到訪，一次主力食佢個意式下午茶，另外一次就主力食意粉，兩次都非常出色。
先分享下午茶，呢個二人套餐下午茶，同平時你喺酒店食到嘅下午茶好不同，$328兩位喺呢個區域算係非常超值，仲要內容非常豐富。
鹹點有香辣波士頓龍蝦法式多士，非常搶鏡，有幾可下午茶會用到龍蝦做主角。
煙三文魚牛油果酥餅，個煙三文魚非常滿足，成口都係三文魚嘅油香，加上牛油果呢個最佳拍檔，好開胃。
意大利風乾火腿青醬配水牛芝士，基本上熱愛意大利食物與火腿芝士嘅朋友冇可能唔鍾意食呢件野 ，好少鹹點件件都好impressive。
甜點方面呢度出名嘅Tiramisu，變成提拉米提山，冇平時咁大杯，少食多滋味，呢個絕對不能錯過。
朱古力曲奇餅相對就簡單啲，印象冇咁深刻。
最後嘅意式鮮果撻，各有可愛之處，當然以朱古力脆皮為主角嘅較為特別。
由於當日未食飯一個下午茶當然唔夠，朋友A先生介紹了一個趣脆豬Pizza。
前菜人人都推介食牛肉他他同埋肉丸，但我選了秘製吞拿魚牛油果他他配醃洋蔥，清新到一個點，食完之後好似頭先個下午茶冇食過一樣。
以脆皮豬肉，醃鵝肝和秘製無花果醬做出嘅呢個脆到不行嘅薄餅，味道係你前所未有嘅感受，醃鵝肝嘅獨特香氣和脆豬肉嘅野性，無花果醬加入後又令到成件薄餅冇咁油膩，那獨特嘅感覺令人一試難忘。
今日嘅主角係紅蝦他他魚子醬墨汁意粉，呢個真係非常之精彩熱辣辣嘅墨汁意粉條條都有墨汁香，紅蝦他他嘅鮮味仲有魚子醬嘅脆脆口感，連埋意粉感覺更加精彩。
呢度嘅玫瑰果洛神花草茶好配合食意粉薄餅呢啲食物，我自己就飲咗expresso tonic ，成餐飯都非常之圓滿。
第二次到訪主力食嘅更加經典，芝士四重奏薄餅，以煙燻芝士，巴馬臣芝士，莫札瑞拉芝士，拱佐諾拉藍黴芝士，睇個樣都知道個味道係唔需要懷疑，愛芝士嘅朋友一定不能錯過。
羅勒青醬青口吉他麵，吃到嘅係佢自家麵條嘅精彩，仲有令人欣喜嘅羅勒青醬，又係好開胃。
我自己就最鍾意呢度嘅卡邦尼意粉，唔會太飽，嗰啲煙肉非常之脆，不用驚會太濃太飽的感覺，好好食。
尾聲嘅香蒜辣椒意粉，簡單而隆重，簡單嘅美味先至係最精彩。
上次食完Tiramisu，今次當然要食個大嘅。
第二次食同樣精彩，我相信一定會有第三次。
Da Filippo Trattoria 更改 尖沙咀廣東道21號海港城港威商場3樓3203-3204A號舖
Post
