Cobber Coffee and Tonys Pastry (Under Renovation)

未夠6點已經要排隊啦！記得要早啲去食，唔係嘅話一定要排返1-2個鐘。我諗係因為冇限時，加上叫起甜品要15分鐘，所以要排長龍。樓底比較矮，枱凳都係深木色，所以有少少壓迫感。無論係鹹食定甜食都好食，我大力推廣！黑松露忌廉雜菌意粉 $123意粉彈牙索汁，啖啖都係忌廉汁，反而黑松露味唔會太強烈。野菌菇菇份量好多，幾乎同意粉一比一，好有誠意。鹹蛋黃薯條 $68份量非常大，每一條幼薯都脆卜卜，沾滿鹹蛋黃碎，鹹香鹹香，大推！開心果忌廉配士多啤梨梳乎厘 $138重點來了！叫起到上至少15分鐘。兩片厚厚嘅梳乎厘鬆餅疊起，淋上開心果忌廉，動L動L。梳乎厘100分濕潤100分鬆軟100分空氣感，個人偏向乾身實淨少少。忌廉食到開心果味，順滑輕盈，食晒都唔會有負擔感。椰子(咖啡)碎冰$58椰子味唔夠濃郁，而且唔會好甜。加espresso變咖啡碎冰，幾特別。我最鍾意面頭嘅焦糖脆脆，浸碎冰令佢半脆半腍。