Video
Read full review
2021-04-17
271 views
成日覺得要係旺角搵一間好餐廳都幾難，今次就行遠少少，去左呢間位於何文田嘅Shao. 餐廳環境唔算大，一眼望得晒，我地當日有訂定位先，所以唔洗等就有得入。餐廳係周末同星期五晚設有$250嘅最低消費，想試嘅朋友要留意💡由於有最低消費，我地就每人叫左個4 course dinner set （$298），由前菜到甜品咖啡都有齊晒，其實都幾抵食😋✨First Course - 秋葵沙糖沙律 / 牛舌串燒沙律入面除左秋葵外仲有椎山，口感爽口得黎又有種滑溜感；雖然話加左沙糖，但味道並唔甜，反而微酸咁有種清新嘅感覺。牛舌串食得出係先煮熟左再燒，口感方面偏淰，冇平時燒牛舌果種彈牙多汁嘅感覺，但勝在夠厚身，味道都唔錯。✨Second Course - 明太子意粉 / 鵝肝漢堡明太子意粉份量都算幾多，食落有明太子獨特嘅咸香味，帶微微嘅辛辣；意粉火喉控制得唔錯，硬度適中。鵝肝漢堡係我成餐飯入面最鍾意嘅一個course 😋漢堡係mini size, 2啖食得完，漢堡包烘至金黃鬆軟，入面嘅layer好簡單，只係加左黑松露醬同煎鵝肝。鵝肝煎得岩岩好，油香十足，非常肥美。✨Third Course - 楓糖叉燒 /
由於有最低消費，我地就每人叫左個4 course dinner set （$298），由前菜到甜品咖啡都有齊晒，其實都幾抵食😋
✨First Course - 秋葵沙糖沙律 / 牛舌串燒
沙律入面除左秋葵外仲有椎山，口感爽口得黎又有種滑溜感；雖然話加左沙糖，但味道並唔甜，反而微酸咁有種清新嘅感覺。
牛舌串食得出係先煮熟左再燒，口感方面偏淰，冇平時燒牛舌果種彈牙多汁嘅感覺，但勝在夠厚身，味道都唔錯。
✨Second Course - 明太子意粉 / 鵝肝漢堡
明太子意粉份量都算幾多，食落有明太子獨特嘅咸香味，帶微微嘅辛辣；意粉火喉控制得唔錯，硬度適中。
鵝肝漢堡係我成餐飯入面最鍾意嘅一個course 😋漢堡係mini size, 2啖食得完，漢堡包烘至金黃鬆軟，入面嘅layer好簡單，只係加左黑松露醬同煎鵝肝。鵝肝煎得岩岩好，油香十足，非常肥美。
✨Third Course - 楓糖叉燒 / 膜肉牛扒
餐廳將叉燒以西式嘅擺盤方式呈上，下面嘅綠色醬我一開始以為係牛油果，但其實係姜蓉，成個感覺都幾有新鮮感。 叉燒岩岩燒起，外層塗上咗厚厚嘅楓糖，味道甜甜地帶點焦香；肉質肥瘦相間，口感嫩滑，都幾好食😋
相對於叉燒，個牛扒就比較令人失望，成個牛扒煮得太熟，口感較乾身，勝在牛味重，但比起其他菜式嚟講都係遜色不少。
✨ Dessert - Matcha Affogato
用抹茶取代左咖啡，清澀嘅抹茶同雲尼拿雪糕相配得宜，甜度適中。
個人覺得呢個4-course dinner set係非常抵食，而且整體黎講味道都唔錯，值得一試😋
Post
