Video
Read full review
2017-04-12
297 views
成日都聽人講話重慶大廈入面有好多印度餐廳，一直都好想上去試下食正宗既印度咖哩，但又太多餐廳唔知點揀好，聽朋友介紹話食過呢間係E座7樓既餐廳唔錯，就決定去試下啦。雖然餐廳門口寫住只招待會員，但其實walk-in都可以既。一坐低就見到入面都有幾多香港人同遊客食。餐廳格局細細，裝潢唔似平時係街見到既印度餐廳，反而有啲東南亞feel，幾特別。我地叫左最多人叫既印度香料雞，原汁咖哩羊肉，蒜蓉烤餅，芝士薄餅，同埋烤雞加串燒免治牛肉卷。叫完野食就黎左份威化胡椒餅配薄荷醬。將胡椒餅點落薄荷醬到食，一入口首先食到薄荷既香味，之後就會食到胡椒既辣味，好香口，味道好有層次，口感又脆卜卜。咖哩既份量都幾多，用黎點係烤餅上面食啱啱好。朋友同我都係唔食得辣但係又好鐘意食咖哩，所以我地次次食親印度咖哩都會叫少辣，但有時啲餐廳都會無視左我地。今次一樣叫少辣，好驚喜地咖哩又真係無咁辣，但都依然好惹味。聽店員講印度香料雞係最多人叫既，試落又真係覺得唔錯喎。印度香料雞既咖哩比較杰身，味道好香，辣得黎帶點酸甜，有少少似蕃茄味，非常開胃。雞肉好入味，肉質嫩滑，唔會煮得好乾。原汁咖哩羊肉既咖哩比較稀，但味道一樣好濃郁。值得一讚既
雖然餐廳門口寫住只招待會員，但其實walk-in都可以既。一坐低就見到入面都有幾多香港人同遊客食。餐廳格局細細，裝潢唔似平時係街見到既印度餐廳，反而有啲東南亞feel，幾特別。
我地叫左最多人叫既印度香料雞，原汁咖哩羊肉，蒜蓉烤餅，芝士薄餅，同埋烤雞加串燒免治牛肉卷。
叫完野食就黎左份威化胡椒餅配薄荷醬。將胡椒餅點落薄荷醬到食，一入口首先食到薄荷既香味，之後就會食到胡椒既辣味，好香口，味道好有層次，口感又脆卜卜。咖哩既份量都幾多，用黎點係烤餅上面食啱啱好。朋友同我都係唔食得辣但係又好鐘意食咖哩，所以我地次次食親印度咖哩都會叫少辣，但有時啲餐廳都會無視左我地。今次一樣叫少辣，好驚喜地咖哩又真係無咁辣，但都依然好惹味。
聽店員講印度香料雞係最多人叫既，試落又真係覺得唔錯喎。印度香料雞既咖哩比較杰身，味道好香，辣得黎帶點酸甜，有少少似蕃茄味，非常開胃。雞肉好入味，肉質嫩滑，唔會煮得好乾。
原汁咖哩羊肉既咖哩比較稀，但味道一樣好濃郁。值得一讚既係羊肉一啲都唔膻，肉質好淋，就算平時唔食羊既朋友都可以試下。
蒜蓉烤餅係我既最愛，烤餅既面頭鋪滿蒜蓉同蔥花，一黎到已經聞到好香既蒜香味。除左面頭既蒜蓉粒，塊烤餅仲吸收晒蒜蓉既油香，食落去滿口都係濃濃既蒜香味，真係好正。
芝士薄餅中間有啲黃豆粒同芝士粒。薄餅焗得好軟綿，同時帶點煙韌，咬落去有好香濃既芝士味，加上薄餅本身既小麥香味，唔會太膩。
烤雞同串燒免治牛肉卷一上枱係放係鐵板上面既，一黎到聽到滋滋聲，食落仲熱辣辣。係上面加埋檸檬汁，更加帶出燒肉既燒烤香味。烤雞外面烤得好香脆，而入面一啲都唔乾，咬落去仲有肉汁。串燒免治牛肉卷燒得外脆內軟，咬落去好有質感，唔會燒太老太韌，味道仲好濃。平時行過重慶大廈門口都無諗過上面會有間咁正既印度餐廳，鐘意食印度咖哩既朋友可以黎試下，絕對推薦！
Post
