Video
Read full review
2021-06-12
1017 views
之前都去過Lex coffee 到打卡, 今次要再Encore! 餐廳係好近堅尼地城地鐵站, 一出去A出口行5-10分鍾左右就到.餐廳既裝修好有藝術感! 入面有大大少少既油畫, 好似KAWS同草間彌生既作品等等! 另外餐廳樓底好高, 坐位又好舒服, 真係打卡傾計都一流呀!我地今次選擇左4樣食物：慢煮西班牙八爪魚 $218本身打算叫個普通小食開下胃先, 但好有驚喜! 因為係慢煮, 八爪魚唔會痴牙仲好林, 加埋佢既醬汁, 好惹味又醒胃, 我地一陣間就食哂! 做頭盤真係一流呀.韓式泡菜意大利飯配辣醬五花肉 $168呢個主菜超級推介, 五花肉煎得好香脆, 辣醬味入哂, 雖然有唔少脂肪但一點都唔會油膩, 配埋意大利飯真係一絕!招牌安格斯高級肉眼扒 $218通常香港餐廳都有牛扒煮得偏熟既習慣, 但呢間剛剛好, 5成就係5成. 而且牛扒既分量絕對唔少, 我地share食都夠食! 牛扒煎得好香口, 肉汁好多, 仲要無咩根同肥肉!! 而且加埋好多薯仔, 沙律做配菜. 最特別係有幾粒喬頭, 酸得來好好味, 有點似酸菜既味道. 食完咁多濃味既食物, 真係一流.丸久小山園抹茶拿鐵 (熱) $59最後梗係唔
餐廳既裝修好有藝術感! 入面有大大少少既油畫, 好似KAWS同草間彌生既作品等等! 另外餐廳樓底好高, 坐位又好舒服, 真係打卡傾計都一流呀!
我地今次選擇左4樣食物：
慢煮西班牙八爪魚 $218
本身打算叫個普通小食開下胃先, 但好有驚喜! 因為係慢煮, 八爪魚唔會痴牙仲好林, 加埋佢既醬汁, 好惹味又醒胃, 我地一陣間就食哂! 做頭盤真係一流呀.
韓式泡菜意大利飯配辣醬五花肉 $168
呢個主菜超級推介, 五花肉煎得好香脆, 辣醬味入哂, 雖然有唔少脂肪但一點都唔會油膩, 配埋意大利飯真係一絕!
招牌安格斯高級肉眼扒 $218
通常香港餐廳都有牛扒煮得偏熟既習慣, 但呢間剛剛好, 5成就係5成. 而且牛扒既分量絕對唔少, 我地share食都夠食! 牛扒煎得好香口, 肉汁好多, 仲要無咩根同肥肉!! 而且加埋好多薯仔, 沙律做配菜. 最特別係有幾粒喬頭, 酸得來好好味, 有點似酸菜既味道. 食完咁多濃味既食物, 真係一流.
丸久小山園抹茶拿鐵 (熱) $59
最後梗係唔小得叫返杯飲品, 本身想試試佢出名既打印咖啡, 可惜當晚已經賣哂咖啡類既飲品, 下次再黎試吧只好. 但呢杯抹茶拿鐵絕對唔失禮, 抹茶味好濃, 食完咁多濃味同油分重既菜式, 絕對有種清新既感覺.
總括來講, 餐廳不論打卡, 食野定傾計都一流, 下次絕對要再來食過.
Post
