茴香 (Closed)

平日同朋友一齊去左位於尖沙咀嘅Fennel茴香 餐廳食lunch。見評價都唔錯，餐廳喺17樓，坐窗邊位望出去夠開揚，佈置簡潔舒服。Lunch set 選擇都幾多，已經包左沙律吧同special drink, 想飲其他野都有半價優惠。我同朋友叫左 紐西蘭鮮肉眼黑椒汁配黑松露薯蓉炒雜菜 同 香濃蟹頭油大蝦帶子炒意大利粉，加配iced mocha, iced cappuccino。主菜到之前，先去沙律吧轉個圈，選擇都唔少，而且就算我地係2點先到都仲有refill。什菜沙律，華都夫沙律，薯仔沙律，甜薯，南瓜，韓式前菜等。薯仔沙律同韓式前菜個人非常推薦，薯仔沙律調味唔算重，而且薯仔味香濃，大大件但唔會硬，好食！韓式前菜係芽菜再撈左扎肉，呢個配搭配埋調味食落酸酸地，意外地幾清新特別。沙律吧仲有好幾款醬可以自由配搭。紐西蘭鮮肉眼黑椒汁配黑松露薯蓉炒雜菜肉眼扒要左7成熟，切落軟熟，肉質軟嫰。黑松露薯蓉幼滑而且充滿黑松露味，鐘意黑松露可以一試。香濃蟹頭油大蝦帶子炒意大利粉，炒意粉味道香濃，炒意粉有咬口，熟度一致，每啖都食到油香而不膩，大蝦帶子食落新鮮。食物質素相當唔錯！Mocha 同 cappuccin