誠拉麵 (Closed)

放假同屋企人去黃埔行街買野。買完野後就去左AEON 入面個food court。我地揀左間叫誠拉食晚餐。各自點左兩個麵再加配小食。白豚骨拉麵 - 湯頭飲落溫順滑口，香濃但唔油膩，叉燒夠大舊又夠腍，麵條偏硬有咬口。赤豚骨拉麵 - 湯頭比較重，夠曬香辣，麵條吸附左辣香溫潤的口感，微香的辣度好好吃，忍唔住會想一口接一口咁食。叉燒丼 - 叉燒份量適中，唔會好乾好柴，肉質幾細嫩，肉香亦濃郁，撈埋d飯食，感覺滿足。餃子 - 唔會話煎得好油，皮夠薄，咬落好juicy。溏心蛋 - 咬落蛋黃香味充滿口中，蛋白夠軟嫩，口感滑溜。