スーパー丼 Express

Open Now

Now Closed

Superdon呢個品牌都聽到好多年，當年風頭一時無兩，而家亦都轉戰平民化市場，性價比更高！位於佐敦酒店Food Court呢間啲嘢食都幾抵食，幾十蚊起錶，就算係最靚嘅壽喜燒都係講緊一百幾蚊。我哋就揀咗一個丼飯同埋一個壽喜燒開心share。角切刺身丼飯 $88 裏面有好多唔同嘅刺身包括三文魚、希靈魚、白身魚，榮螺等，非常豐富而且口感鮮味。仲會包埋麵豉湯，前菜中華沙律，鹹香十足。肥牛壽喜燒 $98 + $10飯轉烏冬壽喜燒配料相當豐富，除咗有好多片肥牛之外，裏面亦有金菇、蘿蔔、娃娃菜、冬菇等等，最緊要係個湯底好清甜，更加有生日本蛋，配搭肥牛味道一流。亦都可以點上胡麻醬，令一個口味享受層次感。而且美食廣場地方大，亦都可以自己選擇高枱、卡位等，坐得舒適。