Video
Read full review
2022-09-26
45 views
唔講唔知原來呢度有個靚靚，望落又高級嘅 foodcourt😁， 最與別不同嘅係，呢度有專人幫我地落單同送餐，服務一流嫁🤩～由於心血來潮想食泰國菜，見到泰Grill價錢又幾平，就揀左食呢間😆🌟手打青咖喱飯(牛肉) $65青咖喱有椰奶同香料味，但後者味道較濃郁😚，牛肉份量頗多，口感鬆軟，除左牛肉仲有其他配菜喺入面，包括西蘭花、椰菜花同青豆，加左蔬菜唔只可以解膩，感覺仲好似健康d😉～而白飯都大大碗，撈埋青咖喱汁食簡值回味無窮😋！🌟冬陰功金邊粉 $55冬陰功湯底酸味足，好開胃，辣度適中，唔會好辣☺️～金邊粉冇煮到過淋，又索哂冬陰功 d味，正👍！蝦亦都比左幾多吓，夠爽口彈牙😚！🌟串燒combo(三串)(牛肉&豬肉) $48串燒可以牛、雞、豬任揀三串，串燒燒得啱啱好，保持到肉汁之餘又唔會太乾😍～個人鐘意食豬肉串燒多 d，因為多左陣香甜蜜糖味😝，再配上秘制花生沙嗲醬，更加惹味🤩！🌟芒果糯米飯 $58落單嗰陣，店員已經主動問我地芒果糯米飯洗唔洗後上，好貼心呀☺️～芒果雖然望落較為淺色，但食落非常清甜，好有驚喜😆！糯米飯暖笠笠，口感軟糯，充滿椰汁味，超好食😁！如果仲嫌唔夠椰汁味，仲有碟椰汁可以比你另外倒埋落
由於心血來潮想食泰國菜，見到泰Grill價錢又幾平，就揀左食呢間😆
🌟手打青咖喱飯(牛肉) $65
青咖喱有椰奶同香料味，但後者味道較濃郁😚，牛肉份量頗多，口感鬆軟，除左牛肉仲有其他配菜喺入面，包括西蘭花、椰菜花同青豆，加左蔬菜唔只可以解膩，感覺仲好似健康d😉～而白飯都大大碗，撈埋青咖喱汁食簡值回味無窮😋！
🌟冬陰功金邊粉 $55
冬陰功湯底酸味足，好開胃，辣度適中，唔會好辣☺️～金邊粉冇煮到過淋，又索哂冬陰功 d味，正👍！蝦亦都比左幾多吓，夠爽口彈牙😚！
🌟串燒combo(三串)(牛肉&豬肉) $48
串燒可以牛、雞、豬任揀三串，串燒燒得啱啱好，保持到肉汁之餘又唔會太乾😍～個人鐘意食豬肉串燒多 d，因為多左陣香甜蜜糖味😝，再配上秘制花生沙嗲醬，更加惹味🤩！
🌟芒果糯米飯 $58
落單嗰陣，店員已經主動問我地芒果糯米飯洗唔洗後上，好貼心呀☺️～芒果雖然望落較為淺色，但食落非常清甜，好有驚喜😆！糯米飯暖笠笠，口感軟糯，充滿椰汁味，超好食😁！如果仲嫌唔夠椰汁味，仲有碟椰汁可以比你另外倒埋落去食嫁😚～
🌟泰國龍眼冰特飲 $28
原價$38，跟餐叫可以減$10，好抵呀👍！龍眼冰清甜冰涼，啱哂食完辣野飲，又可以消暑🥰！龍眼肉都有好多粒，每粒都香甜飽滿😃～
Post
