點茶館

Open Now

Now Closed

Food court都可以飲茶😂而且平平地午市套餐$68有飯有點心。環境餐牌除咗午市套餐，都可以單點。 午市套餐 $68套餐有荷葉蒸飯＋點心＋精選茗茶。荷葉蒸飯五選一，揀左鳳爪排骨飯，而點心同樣都係五選一，就揀咗香菇燒賣。荷葉蒸飯即叫即蒸，鳳爪兩隻排骨有成5-6件，份量有誠意，醬汁好惹味，欣賞飯底唔會太濕。香菇燒賣好足料，燒賣彈牙。 點心拼盤 $52叉燒包（1個）＋蝦餃皇（1粒）＋飛碟雲吞（1件）＋香菇燒賣（1件）＋棗皇糕（1件）。有5件點心，滿足一次想食多款點心嘅人，各款都做得唔錯，同係酒樓食嘅質素一樣，棗皇糕幾有驚喜，煙煙韌韌又唔太甜。金錢肚（特點） $38 另外叫咗個金錢肚，份量都不少，金錢肚稔身醃得入味。