潮州鹵漢大飯店 (Closed)

潮州鹵漢有超多嘢食！最近就試咗海鮮餐！有超多款海鮮包括海蝦、蜆、鮑魚、蟹等等，相當豐富，特別係隻蟹好鮮味又多膏！打卡又好食。湯底就係雞湯湯底，都幾清新，可以帶出海鮮嘅鮮味。除咗可以QR code下單不同款式牛肉美食之外，我最鍾意係出面有個自取區，裏面有唔同嘅熟食包括牛腩牛筋、辣酒煮螺等等，熱辣辣又彈牙，又有少少香辣。當然order嘅食物質素都唔錯，例如鴨血，牛肉等等，牛肉嘅花紋分布幾好，牛味香濃，食完又食。嘢飲方面有基本飲品，亦有酒精飲品，選擇算係幾豐富。最後食埋雪糕，大滿足啦！