Video
Read full review
2017-06-02
344 views
官塘的餐廳愈開愈多，聞說有間新開既餐廳，今個月推廣叫支$288以上紅/白酒就送海鮮拼盤，一行四人就去試下先！餐廳離地鐵站十分鐘路程，一入門口左邊已經有酒櫃，放左好多支紅、白酒。由於是大玻璃窗設計，望落去個感覺相當寬闊，餐廳面積亦好大，差不多有20-30台，而且座位非常闊落，坐得好舒適。一入去服務員好有禮貌招呼我們，讓人感覺親切。餐牌上有好多野食，揀都揀左十分鐘。最後點左兩個set dinner 加一個海鮮拼盤。四個人點了以下幾樣野食：買紅酒/白酒送海鮮拼盤$288店主話新開張有promotion，即刻試下。拼盤內有兩隻愛爾蘭生蠔，兩隻大虎蝦，四隻青口，兩隻螺。拼盤的重點當然係生蠔啦！愛爾蘭生蠔既蠔身夠大，而且蠔味夠濃，仲有淡淡的海水味，帶子位甜，有強烈的回甘，細膩的口感！四個人得兩隻生蠔，之後待應話推廣緊叫生蠔$10隻，仲要同拼盤一樣都係愛爾蘭生蠔！每人最多點4隻，4隻以後就要加$18。咁$10隻有高質素生蠔，當然叫啦！Set dinner:頭盤:煙三文魚露筍卷配蜜糖芥末汁煙三文魚露筍卷，露筍非常粗身，咬落很爽口，味道清新又鮮甜，做頭盤非常開胃。湯:黑松露野菌忌廉湯忌廉同奶味重，但唔覺
餐廳離地鐵站十分鐘路程，一入門口左邊已經有酒櫃，放左好多支紅、白酒。
由於是大玻璃窗設計，望落去個感覺相當寬闊，餐廳面積亦好大，差不多有20-30台，而且座位非常闊落，坐得好舒適。
一入去服務員好有禮貌招呼我們，讓人感覺親切。餐牌上有好多野食，揀都揀左十分鐘。
最後點左兩個set dinner 加一個海鮮拼盤。
四個人點了以下幾樣野食：
買紅酒/白酒送海鮮拼盤$288
店主話新開張有promotion，即刻試下。拼盤內有兩隻愛爾蘭生蠔，兩隻大虎蝦，四隻青口，兩隻螺。拼盤的重點當然係生蠔啦！愛爾蘭生蠔既蠔身夠大，而且蠔味夠濃，仲有淡淡的海水味，帶子位甜，有強烈的回甘，細膩的口感！
四個人得兩隻生蠔，之後待應話推廣緊叫生蠔$10隻，仲要同拼盤一樣都係愛爾蘭生蠔！每人最多點4隻，4隻以後就要加$18。咁$10隻有高質素生蠔，當然叫啦！
Set dinner:頭盤:煙三文魚露筍卷配蜜糖芥末汁
煙三文魚露筍卷，露筍非常粗身，咬落很爽口，味道清新又鮮甜，做頭盤非常開胃。
湯:黑松露野菌忌廉湯
忌廉同奶味重，但唔覺膩。黑松露的味道能十分表現出，飲落啖啖都有切碎左既野菌。個湯都好值得推介！
黑松露野菌忌廉湯
66 views
0 likes
0 comments
北海道帶子黑松露意大利飯$198
意大利飯十分正宗，極具黏性，口感黏稠啖啖都拉到絲，為左迎合港人口味，飯身不會太硬，帶子同個飯非常夾。帶子一共三粒，北海道帶子係來自純淨寒冷的海域，所以肉厚味甜，極富彈性，帶子煎得外脆內軟，亦能保留鮮味甘甜。
北海道帶子黑松露意大利飯
$198
48 views
0 likes
0 comments
安格斯牛小排伴虎蝦伴香蘭燒烤汁$268
安格斯牛只係餵養介乎十多個月至 30個月大的嫩牛! 牛小排咬落牛味濃郁、柔軟且多汁，脂肪分佈均勻，煎得剛剛好，6成左右，仲帶點粉嫩顏色，肉質鮮嫩多汁！好推介！而虎蝦非常大隻，以開邊方式去煎熟，虎蝦本身肉質較實，咬落好有彈性，加上有小小辣既香蘭燒烤汁，好入味。唯牛小排本身好珍貴，得兩小塊唔夠食tim！
甜品：Tiramisu(提拉米蘇)
以咖啡酒漿浸軟的手指餅，完全將手指餅把液體吸收，帶出香濃的咖啡酒味，芝士忌廉打得好細滑，加上是薄薄的一層可可粉，估唔到甜品都咁好食！
Tiramisu
32 views
0 likes
0 comments
原來佢地有自己既餅師，日日新鮮整！店主仲話生日會送餅師設計既蛋糕，如果係呢個Tiramisu就正啦！
鮮果奶凍
奶凍唔會太硬身，入口有即溶既感覺，鮮果切碎左易入口，但相比之下，我個人喜歡Tiramisu多ｄ。
latte咖啡:
一黎到杯咖啡笑左，因為咖啡師獨特拉花，就係拉左giveme5 餐廳名個logo，都幾有心思，哈哈。奶泡打得好細滑，咖啡亦比較中性，唔錯。
Blue drink $40
朋友點左杯rainbow drink，佢話好好奇係咩黎。一黎到見到杯野好夢幻好少女，一定要影張相先啦！飲落先知係檸檬梳打水加藍色糖水，雖然唔係好特別既味，但係選用的梳打水超有汽，好似飲緊汽水咁。
Purple drink$40
另一個朋友點左杯紫色，個人覺得紫色比較吸引！係黑加侖子味加梳打水，好特別，又好清新，可以消下滯。
Overall間新餐廳感覺好舒適，所有野食都好用心製作，每人$250左右，朋友即刻問佢拎個lunch menu睇下，有機會黎食個lunch都好！
去廁所先發現原來仲有得玩飛標同打桌球。
Other Info. :
叫支$288以上紅/白酒就送海鮮拼盤都幾抵！
原來佢地有自己既餅師，仲話生日仲兩日book就會送餅師設計既蛋糕！都差不多一磅架!好好服務
(The above review is the personal opinion of a user which does not represent OpenRice's point of view.)
Post
