Sweets House Cha Cha

Open Now

Now Closed

因天文台發出黑色暴雨警告...換來放假一天...可惜已身在沙田...唯有去食雪糕吧...但...擺放喺counter嘅萬聖節限定大判燒好吸引喎...買咗一盒($72)相當重手！一盒有5個...打算做早餐...包括: 2件栗子紅豆、2件抹茶吉士紅豆、1件日本蕃薯蓉如果唔係立即食...可以叫店舖職員唔需要幫手翻熱...家中無微波爐...用焗爐翻熱一樣得...halloween圖案印得唔錯呢...先食「抹茶吉士紅豆」...抺茶味好突出...有回甘喎...淺綠色係吉士醬...只不過被抹茶染咗色...紅豆嘅甜度剛好中和咗濃郁嘅抹茶味...除綠茶味之外...其餘2隻口味好難從圖案分辨出嚟...反正都要食...是但揀一個...噢~抽中咗「栗子紅豆」...可以單買一個($18)...中間嘅栗子好大粒...咬開中間...感覺好似溏心栗子...2樣夾心較甜...　最後就食到「日本蕃薯蓉」...雖說係蕃薯蓉...但仍食到蕃薯粒...唔太甜...蕃薯味好食呢...每次食一個已經好夠飽...用嚟做早餐或tea都唔錯呢 ^^