Video
Read full review
2020-10-08
359 views
cheers 一直比其他酒吧少人，今日終於明白點解。政府終於放寬咗酒吧可以去飲酒喇，其實飲酒最開心嘅就係摸住酒杯底同朋友傾計。今晚嚟到本身想去試下門神嘅專門店，但因為限聚令酒吧只可以坐半滿。去唔到門神，仍然想飲嘢所以入咗以往都比較少人嘅cheers ,今晚佢相對比之前多人相信係因為ale project執咗，同埋門神跟足規定半滿, D客好似我地咁過左黎。鐘意tap room 一向係因為可以同啤酒師交流, 等佢介紹岩你味道既生啤, 如果你去過掌門, 去過tap project, 佢地同客既交流先係靈魂。但Cheers介紹啤酒嘅人其實都只係好快咁噏咗一堆嘢重點係叫你自己睇張紙 + 同你講邊啲冇，to be honest今晚冇嘅嘢真係好多，佢個menu入面大慨6款冇左，所以可以揀嘅嘢真係好少。到我哋揀到，佢先同我哋講一個鐘要叫一杯嘢, 45分鐘時會黎開你再order 定埋單走。喺酒吧要計時都真係第一次聽。同埋，如果你係我入門口時講明會好D，唔係落order先講。睇番食評，有d人叫完先知。。。呢個arrangement好差 好多想飲既都冇，叫左椰青啤酒. 見佢咁特別真係想試下椰青釀出嚟嘅啤酒係
今晚嚟到本身想去試下門神嘅專門店，但因為限聚令酒吧只可以坐半滿。去唔到門神，仍然想飲嘢所以入咗以往都比較少人嘅cheers ,今晚佢相對比之前多人相信係因為ale project執咗，同埋門神跟足規定半滿, D客好似我地咁過左黎。
鐘意tap room 一向係因為可以同啤酒師交流, 等佢介紹岩你味道既生啤, 如果你去過掌門, 去過tap project, 佢地同客既交流先係靈魂。但Cheers介紹啤酒嘅人其實都只係好快咁噏咗一堆嘢重點係叫你自己睇張紙 + 同你講邊啲冇，to be honest今晚冇嘅嘢真係好多，佢個menu入面大慨6款冇左，所以可以揀嘅嘢真係好少。
到我哋揀到，佢先同我哋講一個鐘要叫一杯嘢, 45分鐘時會黎開你再order 定埋單走。喺酒吧要計時都真係第一次聽。同埋，如果你係我入門口時講明會好D，唔係落order先講。睇番食評，有d人叫完先知。。。呢個arrangement好差
好多想飲既都冇，叫左椰青啤酒. 見佢咁特別真係想試下椰青釀出嚟嘅啤酒係點，呢間本地嘅釀酒廠喺北角, 佢新開嘅時候去過佢實地參觀過。但呢杯酒對我嚟講一開始聞落去個椰香味refreshing，聞多一陣就覺得其實係椰油味濃。飲上口佢acidic 太重，好酸，比平時飲酸啤仲要酸.....真係唔太想飲落去。lucky dawgs都係飲比較傳統嘅味道好啲。
另外，叫左獅子山嘅金不換啤酒，嗰種金不換香草味令到你覺得有少少中式herbs既味道，顏色雖然似深色琥珀但係飲落口都比較爽。兩杯啤酒對比嘅話獅子山比較岩口味,但係兩杯都唔會係我再想點嘅啤酒。
45分鐘好準時嚟同你講你要埋單定係要叫嘢飲。去過n 間地方飲野: 酒店，酒吧，細鋪，都真係第一次比人計時間，真係感覺好差。明白舖頭有佢嘅生存之道，我地唔係好夾到。
想飲tap beer嘅話係旺角下次會去返門神，掌門（旺角新店）; 朗豪坊頂樓都有唔少選擇，差唔多價錢但任坐。相對之下 cheers 吸引力唔大, 亦唔想再比人計時成日要望錶咁有壓力...
好耐冇寫happy hour, 香港真係好多好值得大家去既bar~ 只不過我真係懶 😂😂😂下次寫食評介紹cultural centre間好野比大家，有拖冇欠
Post
