Amour Cafe (Moved) New Location

呢間餐廳都有好評，雖然環境好普通。但機緣巧合下，就過左黎呢度食左個午餐。呢度既環境唔算大，坐都有小小迫。雜菜湯個味道好淡，雖然有好多料。不過我覺得都係差小小，但得意在用個杯飲湯。個感覺都幾得意。蕃茄雞扒天使麵雞扒好正，醃味都幾重，又唔鞋口。唔錯架。天使麵整得好爽口，好襯個蕃茄汁。仲有，個天使麵既份量都幾多，食完都幾飽。芝士蛋糕個芝士味好重，檸檬味唔會太重。個蛋糕好鬆化，幾好食架。凍mocha咖啡味好重，又不失朱古力味。野食真係唔錯，不過環境可以整得企理。呢次我好想食布甸架，不過賣哂啦。好彩，老闆叫我下次可以打定電話幫我留番個。咁就太好啦。