尚越 (Closed)

咖哩香茅豬扒飯 跟冷熱飲品 收43蚊 用學生優惠減3蚊筆者同朋友等去睇show，一齊約係紅磡都會美食廣場食飯。本來都未諗到食咩好，見到有人拎住盆豬扒飯行過，望落有兩塊扒，啲肥瘦都幾吸引，仲有啲菜跟添，咁就唔理喇去試下啦。拎到上手都同頭先果盆差唔多，以為真係咁抵有兩大塊豬扒啦，原來底果塊係得面果塊既三份之一，不過算啦係我先入為主在先既。食落去塊肉都可以，絕對唔係乾柴柴既質地，但又未算肉味濃既扒。咖哩係唔辣係，怕辣既朋友都可以一試，筆者欣賞咖哩有幾舊仔薯仔。總結，呢個價位都仲有呢個質數，係呢個劣食橫行既香港，都可以作為大大件既抵食之選。呢間餐廳既撈檬粉都唔錯，大家可以一試。