正斗粥麵專家 (國際金融中心商場)

Open Now

Now Closed

中西區周圍都係西餐，要搵間中式餐廳有啲難。咁啱去開APPLE就喺IFC搵食，遇到正斗啱晒口味，想食粥清清腸胃，結果好有驚喜。男朋友要食澱粉質所以叫咗碗雲吞麵，佢話味道唔錯，鮮蝦彈牙，最鍾意食細細粒嘅嘢。我就食咗田雞粥，係呀，因為唔係好多地方有田雞粥，所以想試下。啲粥好綿好綿，仲有兩粒冬菇調味，田雞都唔似急凍貨，清清地都幾好。跟住叫咗兩個點心，一個流沙奶黃包一個馬拉糕。都幾有懷舊味道，似係用咗黑糖或者庶糖，微甜。流沙包放凍咗少少食都仲流心，超有奶香味。包身好軟，值得一試。