Video
Read full review
2019-03-15
353 views
成日見人哋story post喺呢間慢理牆城食飯，一直覺得裝修好靚同嘢食好得意，呢晚就約咗幾個朋友一齊嚟試下！慢理牆城喺油麻地砵蘭街M1酒店1樓，入到去行條雲石樓梯就到喇～餐廳以森林為主題，一入到去就身處喺一片綠色入面。雖然餐廳名字取「萬里長城」嘅諧音，但咩意思真係冇人知lol 連英文名「Wall Is Eat」都唔知點解。裝修好靚，但店面唔算大，坐到大約30人左右，另外出面仲有間房仔，有兩張四人枱。因為餐廳嘅capacity唔大，所以好多客人就算book咗位都要等半個鐘左右（尤其我哋去呢日係白色情人節😝），所以建議可以book早啲，預留少少時間等位。我哋等位嘅時候已經睇咗menu揀好嘢食，坐低咗就可以嗌，而上菜速度都幾快。蝶豆花檸檬水等位嘅時候已經見到入面枱枱都有呢杯藍色嘢飲😮，原來係水嚟嘅。餐廳喺水加咗蝶豆花同檸檬，幾特別。呢到嘅意大利飯同意粉都幾特別，各有七款，用七隻顏色嚟分。南瓜帶子意大利飯（$158）我哋叫嘅意大利飯係代表黃色嘅南瓜帶子意大利飯。口感唔錯，南瓜味都有。不過整體味道有啲淡～牛油果忌廉蟹肉扁意粉（$158）我哋仲叫咗淺綠色嘅牛油果忌廉蟹肉扁意粉。幾滿意呢個，忌廉好
慢理牆城喺油麻地砵蘭街M1酒店1樓，入到去行條雲石樓梯就到喇～
餐廳以森林為主題，一入到去就身處喺一片綠色入面。雖然餐廳名字取「萬里長城」嘅諧音，但咩意思真係冇人知lol 連英文名「Wall Is Eat」都唔知點解。
裝修好靚，但店面唔算大，坐到大約30人左右，另外出面仲有間房仔，有兩張四人枱。因為餐廳嘅capacity唔大，所以好多客人就算book咗位都要等半個鐘左右（尤其我哋去呢日係白色情人節😝），所以建議可以book早啲，預留少少時間等位。
我哋等位嘅時候已經睇咗menu揀好嘢食，坐低咗就可以嗌，而上菜速度都幾快。
蝶豆花檸檬水
48 views
0 likes
0 comments
等位嘅時候已經見到入面枱枱都有呢杯藍色嘢飲😮，原來係水嚟嘅。
餐廳喺水加咗蝶豆花同檸檬，幾特別。
呢到嘅意大利飯同意粉都幾特別，各有七款，用七隻顏色嚟分。
南瓜帶子意大利飯（$158）我哋叫嘅意大利飯係代表黃色嘅南瓜帶子意大利飯。
口感唔錯，南瓜味都有。不過整體味道有啲淡～
牛油果忌廉蟹肉扁意粉（$158）我哋仲叫咗淺綠色嘅牛油果忌廉蟹肉扁意粉。
幾滿意呢個，忌廉好濃，好creamy。
意粉唔淋唔硬，啱啱好。
牛油果平時比較少見同意粉一齊整，估唔到都幾夾！
我哋仲叫咗一個主菜。呢到嘅主菜名都好特別，包括尋日的羔羊、尋找海鱸的故事、牆城貳佰肆拾捌蚊雞。
我哋就叫咗「慢落豬」～
慢落豬
$268
55 views
0 likes
0 comments
- 慢煮西班牙黑毛豬串燒配甜蕃薯角
本身見二百幾蚊得幾條串燒有啲唔抵，但上菜先見到其實好大舊豬，而且都係高質嘅，份量仲唔少添。
黑毛豬整得啱啱好，入味，唔韌。
配菜嘅甜蕃薯角正正正！
牆城小食拼盤(大)
$248
62 views
0 likes
0 comments
我哋有四個人，所以叫咗個大嘅小食拼盤，但覺得小嘅應該都已經夠，細嘅係$168，剩返嘅$80可以愛嚟叫多樣嘢
小食拼盤有美式香辣脆雞翼、德國腸、脆炸薯條、甜蕃薯角、芝士條，最鍾意薯條、蕃薯角同雞翼。
餐廳自家製嘅蛋黃醬都幾好味！
總括嚟講食物都唔錯，不過部分嘢食唔夠熱，例如意粉上面嘅牛油果同蟹肉、意大利飯上面嘅帶子。
店員唔夠attentive，雖然客人好多，staff又唔少，但比較少侍應會望住客人有咩需要，例如加水、落單/埋單。
除咗其中一個女侍應，其他員工態度都麻麻～
menu：
Post
