津野日本料理放題專門店 (Closed)

序朋友們知道佐敦新開左間日本料理放題, 於是一齊去試下呢間新店。服務整體服務唔錯, 待應們都好有禮貌, 尤其係企門口 / 附近果位姐姐, 笑容滿面, 唔好意思前唔好意思後,態度親切, 而上菜速度都算幾好。環境店舖總共有兩層, 我地一行六人坐下層, 環境都算唔差, 唔算太迫;但係特別一講既係上層個廁所就真係麻麻地, 冇廁所水沖廁, 地面仲要濕漉漉, 感覺好差...猶如公廁, 係之後有人稍為拖過下先叫做好少少...食物食物方面, 真係有好有唔好, 未知係咪同新開有關, 有好多野都達唔到預期;同埋好多牛肉既野食都欠奉。三文魚同其他刺身算係咁, 但係有少少雪味...呢個雞軟骨非常健康, 健康到咩味都冇... 只係得油味...軍艦壽司整得唔錯, 唔係粗製濫造推薦佢呢個炸蝦天婦羅, 好食 !好大盤蝦 !!! 你叫幾多有幾多 !!!註：雖然佢有雪糕, 但係未知係咪因為新開冇耐, 所以未有雪糕提供。