無肉食 (德興街) (Closed)

呢一間素食自助餐屬於新派，唔係剩係得烚菜炒菜煮下節瓜茄子豆腐嗰啲，我最欣賞佢嘅沙律吧同埋佢啲油炸食品（冇錯，大家千祈唔好以為素食一定健康），我覺得佢各樣野味道都唔錯，當中最鍾意嘅係佢啲炸嘢，包括春卷、蔬菜天婦羅、蛋散等等，另外佢嘅煎蘿蔔糕同埋馬蹄糕都好食，仲有一樣野都幾好食，就係佢嘅薯仔沙律，真心推介。其實依家約朋友出街食飯，尤其是食晚飯，最少每人都要$150 ，就算去茶餐廳食可能都要每人$70至$80，所以點解我話呢一間素食自助餐抵食就係咁解，星期一至四晚餐每位$108 ，星期五先至加多$20。另外我想講千祈唔好諗住食齋會平，你去齋舖試過就知道。