川燒 (Closed)

臨時俾朋友放飛機，但已經book咗枱唔想浪費，於是決定來個一個人的浪漫串燒宴。呢間位於佐敦嘅串燒店經常大排長龍，如果想朝聖，一定要book左枱先好黎啊。鋪頭嘅裝修富有中國風，隱約又有啲居酒屋嘅feel。可以話係中日嘅 crossover，好特別，有心思。最怕香腸食到一口都係油，佢呢個香腸完全冇呢個感覺，有咬口又juicy，10分惹味。燒粟米幾時都無得輸，燒嘅時間控制恰到好處，唔會燒到似乾柴。每粒粟米都keep到飽滿多汁。平時不太喜歡食韭菜，覺得佢有草腥味。呢個燒韭菜令我刮目相看。不但沒有怪味，而且燒烤過嘅韭菜，甜味完全逼曬出嚟。不得不提佢嘅口感， keep到韭菜原有嘅爽脆，值得一試。呢個不過不失，如果可以燒耐啲，會香口好多。全晚覺得最失色嘅就係呢個燒大蝦。蝦已經唔算新鮮，燒嘅時間又過咗火，食落有啲苦苦地。去串燒店食牛舌同埋雞翼是常識，今晚都唔例外，但由於一上枱太吸引的關係，未嚟得切影相已經俾我食左。整體食物質素唔錯，有美食相伴，一個人都可以食得好精彩。