Video
Read full review
2018-07-30
1140 views
Daddy 話喺佐敦嗰度開咗一間新嘅 food court，同我去嗰度試一試嗰度有一間幾好食嘅牛扒，咁我哋就兩仔爺行咗去逸東酒店裏面嘅food court。個food court 同一般嘅 food court 好唔同。裝修比較新穎，座位同座位之間嘅空間都有幾多，坐得都算幾舒服。行到去間鋪頭嗰陣時，已經有大概五個人係我哋前邊排緊隊。原來係你落單叫牛扒後，裏面個姐姐先至會幫你切塊牛扒。姐姐都切得幾準，我話要300 grams 佢就切左一塊286 grams 嘅西冷牛扒俾我。但係追求完美嘅姐姐，仲話唔好意思，會幫Daddy切番大塊少少，結果佢切左塊330 grams 俾 Daddy。唔知係咪切牛扒需要時間，我叫完之後，望一望後邊已經有一條大概10個人嘅人龍出現。我仲加咗$18，叫咗個餐，配菜四樣揀三樣，我揀咗沙律烏龍茶同埋湯。牛扒都等咗大約15至20分鐘先有得食。牛肉都幾林，肉質都幾好。不過牛肉既肉味就唔係好重，有可能係用澳洲或者紐西蘭嘅牛肉。牛扒係用鐵板上，加咗特製嘅柚子汁，幾醒胃。總結- 去咗逸東酒店新嘅 food court- 個food court 裝修比較新穎- 座位同座位之間嘅
行到去間鋪頭嗰陣時，已經有大概五個人係我哋前邊排緊隊。原來係你落單叫牛扒後，裏面個姐姐先至會幫你切塊牛扒。姐姐都切得幾準，我話要300 grams 佢就切左一塊286 grams 嘅西冷牛扒俾我。但係追求完美嘅姐姐，仲話唔好意思，會幫Daddy切番大塊少少，結果佢切左塊330 grams 俾 Daddy。
唔知係咪切牛扒需要時間，我叫完之後，望一望後邊已經有一條大概10個人嘅人龍出現。我仲加咗$18，叫咗個餐，配菜四樣揀三樣，我揀咗沙律烏龍茶同埋湯。
牛扒都等咗大約15至20分鐘先有得食。
牛肉都幾林，肉質都幾好。不過牛肉既肉味就唔係好重，有可能係用澳洲或者紐西蘭嘅牛肉。牛扒係用鐵板上，加咗特製嘅柚子汁，幾醒胃。
總結
- 去咗逸東酒店新嘅 food court
- 個food court 裝修比較新穎
- 座位同座位之間嘅空間都有幾多，坐得都算幾舒服
- 鋪頭長期都有條人龍
- 姐姐都切得幾準，但係追求完美嘅姐姐，仲話唔好意思
- 牛扒都等咗大約15至20分鐘
- 推介：西冷牛扒，牛肉都幾林，肉質都幾好
- 牛扒係用鐵板上
- 加咗特製嘅柚子汁
西冷牛扒餐
$158
104 views
0 likes
0 comments
Post
