JUICY Fresh Juice Bar (Closed)

無意中發現咗喺香港站呢一間juicy fresh juicy bar, 原來佢係韓式飲品店, 飲開台式飲品店, 今次試下呢一間韓式飲品店睇下有咩分別, 佢啲飲品都幾特別， 而且店舖十分乾淨衛生 ，店員亦都十分有禮貌， 睇完menu，花多眼亂，最後決定要試佢嘅奶茶紅豆飄雪同埋抹茶紅豆飄雪。 初時唔知飄雪係啲咩，後尾先知原來飄雪係沙冰， 佢個名好好聽感覺好特別。 等咗唔算好耐， 好快就有嘢飲品可以拎 ，外形十分漂亮，上面有滿滿嘅紅豆，仲有 煙韌嘅mochi, 甜度適中, 而且抹茶味同奶茶味都好香，配搭紅豆同mochi好有口感。 而且份量都好大杯，基本上飲完都好飽。 好值得再回顧， 性價比十分高。