華園餃子館

Open Now

Now Closed

晚上10點幾依然開門，係對面岩館攀完石之後來充飢。餃子可以淨叫或者加麵，加麵就5隻，淨餃就10隻。價錢方面可能地段問題，比較貴。韭菜豬肉淨餃 $50，茴香豬肉淨餃 $54。兩款餃子既皮都好薄，餡料都好足夠，咬落去好juicy。個人覺得呢度既茴香比韭菜餃出色！因爲茴香既味道更加濃烈，係出面好少食到！蒜蓉炒蕃薯苗 $30，以一碟青菜來講個價錢其實都可以接受，因爲份量都算大。而去炒得幾有鑊氣，個蒜味好足。麻辣豬肚絲 $42，呢個就比較貴。因爲份量唔多。本身以為係會有好多麻辣汁，原來係麻辣涼拌。但辣味係剛剛好，唔會太辣都唔會冇味。