豐味窯雞

Open Now

Now Closed

🐔🥡🍱Juicy 豐味窯雞🥡呢間店只做外賣，自取會平啲，但懶d就梗係係外賣平台叫外賣送遞😆呢度總數買咗$180左右✅窯雞二人套餐前菜：有2小份，都係香辣蘿蔔、菜脯，幾香口，另外仲有兩碗紫菜蛋花湯窯雞：用兩層錫紙包好，仲有個保溫袋裝住送上嚟，所以打開嘅時候仲係好熱好新鮮，隻雞都幾大隻，雖然係半隻，好Juicy，好入味，但啲肉仲係好滑，應該係豉油味。白飯有2大盒，份量好多飲品：二人餐包兩盒紙包飲品，我哋就揀咗道地嘅蘋果綠茶同埋維他香片。甜品+$1: 加一蚊就有一碗紅糖爆珠芋圓冰粉，原本諗住加一份，但係店舖俾咗兩碗我哋，份量都唔少，冰粉好滑，紅糖味好香濃，但係都唔會過甜入面，仲有爆珠芋圓增加口感。✅細豐味雞翼尖（辣）呢個係加錢叫嘅小食，雖然係細份，但係份量一啲都唔少，都有10幾隻，已經浸淋左好入味好易啜到肉出黎。個味都吾錯，酸辣惹味。