野玩田店

Open Now

Now Closed

朋友介紹有味著火燒雞話好正，呢日黎試試餐包係甜麥包，熱辣辣，香餐湯係黑鬆露忌廉湯，好香濃黑鬆露味，好飲今晚主角！ 野玩火鳳凰 （啤酒三黃雞） $328上檯時候已經聞到好香啤酒同燒烤味道。 店員點火，哇！ 真係火焰燒雞啊！ 即刻成為全場焦點！ 火燒完，d香味更出。正當我有d擔心點開始食佢嘅時候，店員話會幫我地切開隻雞，好貼心。切開之後，見到入面雞肉仲好嫩，唔乾。 食落仲好juicy多肉汁！本來用刀叉食，食食下太滋味，忍唔住用手食。 必食推介！不過記得要打電話預訂先，怕你去到冇得食。海蝦龍蝦汁意大利飯 $188意大利飯軟硬度剛剛好，龍蝦汁掛汁，香濃。海蝦肉質彈牙，nice。香煎鯛魚柳配刁草忌廉汁及粟米薯蓉 $198 （Set）魚柳煎到外面好香脆，裡面好嫩滑。 特別欣賞佢個粟米薯蓉，好滑但唔油膩。跟餐有餐湯 / 沙律，麵包同飲品。飲品包茶 / 咖啡， 加錢可以轉特飲環境幾舒服，有窗口位坐。